АҚШ Махфий хизмати 11 сентябрь воқеаларига оид илгари чоп этилмаган фотосуратларни эълон қилди. Фотосуратлар махфий хизмат ходимлари томонидан олинган: уларда фожиали ҳодисадан кейин эгизак миноралар, шикастланган лимузинлар ва Жаҳон савдо маркази мажмуаси жойлашган ҳудуд акс этган.
АҚШда 2001 йил 11 сентябрда «Ал-Қоида» террорчилари тўртта самолётни ўғирлаб кетиб, инсоният тарихидаги энг йирик терактлардан бирини уюштирган эди — фожиада уч мингга яқин одам ҳалок бўлган. Самолётларнинг иккитаси Нью-Йоркдаги Жаҳон савдо маркази биноларига, яна иккитаси Пентагонга қараб йўналтирилган. Тахминларга кўра, уларнинг сўнгги нишони Капитолий ёки Оқ уй бўлган, лекин самолётлардан бири Пенсильванияда қулаб тушган.
Жорий йилнинг сентябрь ойи бошида АҚШ президенти Жо Байден 11 сентябрь терактлари билан боғлиқ ҳукумат ҳужжатларини махфийликдан чиқариш ва эълон қилиш ҳақидаги фармонни имзолади. Ўз баёнотида Байден шу тарзда сайловолди ваъдасини бажараётганини тушунтирди. «Мен президентликка номзод бўлганимда Америкага 2001 йил 11 сентябрда уюштирилган терактлар тўғрисидаги ҳужжатларни очиқлашни таъминлаш мажбуриятини олганман. Ўша фожиали куннинг 20 йиллигига яқинлашар эканмиз, мен бу мажбуриятни бажараман», — деди Байден.
Изоҳ (0)