Турк киносаноти вакиллари Жансу Дере ва Мелис Сезен иштирокидаги Medyapim компанияси томонидан суратга олинган «Садоқатсиз» сериали Испанияда машҳурликка эришди.
Журналист Бирсен Алтунташнинг маълум қилишича, сериал 2 миллион 357 минг томошабин ва 18,1 фоиз аудитория билан рекорд қўйган. Қўшимча қилинишича, «Садоқатсиз» рўйхатдаги ундан аввалги ижод намунасидан 7,7 баллга фарқ қилган. Шундай қилиб, мазкур сериал 2018 йил июлдан буён Испаниядаги энг етакчи лойиҳа бўлган. Унда бош қаҳрамонни гавдалантирган Жансу Дере эса 24 соат давомида Испаниянинг энг кўп муҳокама қилинган аёллари рўйхатидан ўрин олган.
Эслатиб ўтамиз, «Садоқатсиз» Туркияда ҳам рейтингда энг юқори натижаларни қайд қилган сериаллардан ҳисобланади. Биринчи мавсуми якунига етган лойиҳанинг янги қисмлари 2021 йилнинг октябрь ойида эфирга узатилиши кутилмоқда. Туркиянинг радио ва телевидение кенгаши томонидан «ёшлар орасида оилавий қадриятларни нотўғри идрок қилишни тарғиб қилаётгани» сабаб бир неча марта жарима солинганига қарамай, «Садоқатсиз» эфирга узатилаётган вақт ТВда юқори рейтингни қайд қилган.
Мавзуга доир:
- «Садоқатсиз» сериалида Дерин Арслан образини яратган Мелис Сезен ҳақида энг қизиқарли фактлар (фото)
- «Садоқатсиз» сериали юлдузи Жансу Дере ҳақида кўпчиликка номаълум бўлган қизиқарли фактлар (фото)
- «Чуқур», «Қора ният», «Рамо». Туркия давлат цензура ташкилоти томонидан жаримага тортилган турк сериаллари
Изоҳ (0)