Turk kinosanoti vakillari Jansu Dere va Melis Sezen ishtirokidagi Medyapim kompaniyasi tomonidan suratga olingan “Sadoqatsiz” seriali Ispaniyada mashhurlikka erishdi.
Jurnalist Birsen Altuntashning ma’lum qilishicha, serial 2 million 357 ming tomoshabin va 18,1 foiz auditoriya bilan rekord qo‘ygan. Qo‘shimcha qilinishicha, “Sadoqatsiz” ro‘yxatdagi undan avvalgi ijod namunasidan 7,7 ballga farq qilgan. Shunday qilib, mazkur serial 2018-yil iyuldan buyon Ispaniyadagi eng yetakchi loyiha bo‘lgan. Unda bosh qahramonni gavdalantirgan Jansu Dere esa 24 soat davomida Ispaniyaning eng ko‘p muhokama qilingan ayollari ro‘yxatidan o‘rin olgan.
Eslatib o‘tamiz, “Sadoqatsiz” Turkiyada ham reytingda eng yuqori natijalarni qayd qilgan seriallardan hisoblanadi. Birinchi mavsumi yakuniga yetgan loyihaning yangi qismlari 2021-yilning oktabr oyida efirga uzatilishi kutilmoqda. Turkiyaning radio va televideniye kengashi tomonidan “yoshlar orasida oilaviy qadriyatlarni noto‘g‘ri idrok qilishni targ‘ib qilayotgani” sabab bir necha marta jarima solinganiga qaramay, “Sadoqatsiz” efirga uzatilayotgan vaqt TVda yuqori reytingni qayd qilgan.
Mavzuga doir:
- “Sadoqatsiz” serialida Derin Arslan obrazini yaratgan Melis Sezen haqida eng qiziqarli faktlar (foto)
- “Sadoqatsiz” seriali yulduzi Jansu Dere haqida ko‘pchilikka noma’lum bo‘lgan qiziqarli faktlar (foto)
- “Chuqur”, “Qora niyat”, “Ramo”. Turkiya davlat senzura tashkiloti tomonidan jarimaga tortilgan turk seriallari
Izoh (0)