Бухорода кредит қарздорлигини тўлашдан бўйин товлаб, яшириниб юрган аёлнинг қидирувдаги автомашинаси топилиб, жарима майдончасига жойлаштирилди. Бу ҳақда «Дарё»га МИБ вилоят бошқармаси масъули Акбар Латипов хабар берди.
Таъкидланишича, Когон туманида яшовчи фуқаро Г.Ш. «Микрокредитбанк»дан нотариал тартибда 11 миллион сўм миқдорида микроқарз олган. Қарздор олинган пул маблағи ва фоизларини ўз вақтида қайтармагач, банк томонидан огоҳлантирилган.МИБ инспекторига кўра, Вазирлар Маҳкамаси қарорига мувофиқ, нотариус пул олиш, мулкни қайтариш ёки бериш билан боғлиқ нотариал тасдиқланган битим шартлари бажарилмаган тақдирда қарзни сўзсиз ундириш ҳақида ижро хати чиқарилади ва ушбу ижрони таъминлаш мақсадида Мажбурий ижро бюроси органларига юборилади. Шунга кўра, қарздор Г.Ш. дан жами 15,2 миллион сўм қарз ундиришга киришилган. Ва мажбурий ижро ҳаракатлари давомида қарздор Г.Ш.нинг номида бўлган Cobalt русумли автоулов борлиги аниқланган.
Қидирув жараёнида, Г.Ш.нинг номида бўлган ушбу машина топилган ва жарима майдончасига олиб келинган. Ҳозирда қайд этилган ушбу автомашина нархи баҳоланиб, «E-ijro auksion» электрон савдо майдончаси орқали савдога чиқарилган.
Изоҳ (0)