ИИБ Йўл ҳаракати хавфсизлиги Бош бошқармаси ижтимоий тармоқда «Ҳайдовчи автомобилини аёл устига бошқарди» сарлавҳаси остида тарқалган видео бўйича изоҳ берди.
4 сентябрь куни Тошкент шаҳрининг Сергели туманида Spark ҳайдовчиси Ш.Р. (1979 йилда туғилган, аёл) ҳамда Changan юк автомобили ҳайдовчиси Ҳ.М. (1983 йилда туғилган) ўртасида тортишув юзага келган.
Changan ҳайдовчиси Ҳ.М. воқеа жойидан кетмоқчи бўлган вақтда Ш.Р. юк автомобилининг олд қисмига тепган. Ҳ.М. тўхтамаган ва Ш.Р.ни автомобилда туртиб ўтган. Натижада Ш.Р. тан жароҳати олган.
Воқеа юзасидан Тошкент шаҳар ИИББ ЙҲХБ томонидан суриштирув олиб борилмоқда.
Изоҳ (0)