Ижтимоий тармоқларда «Марғилонда устозлар мажбурий ишга жалб этилдими?» сарлавҳали хабар тарқалди. Ҳолат юзасидан Меҳнат вазирлиги маълумот берди.
Ушбу ҳолат юзасидан Фарғона шаҳар Аҳоли бандлигига кўмаклашиш маркази Давлат меҳнат инспекцияси томонидан ўрганиш ўтказилди. Ўрганиш давомида мажбурий меҳнат ҳолати аниқланмаган, бироқ 15-сонли умумий ўрта таълим мактаби ходимларига нисбатан меҳнат қонунчилиги талаблари бузилган.
Мазкур ҳолат бўйича Марғилон шаҳар 15-сонли умумий ўрта таълим мактаби директори в.в.б.га нисбатан Маъмурий жавобгарлик тўғрисидаги кодекснинг 49-моддаси 1-қисми (меҳнат ва меҳнатни муҳофаза қилиш тўғрисидаги қонунчиликни бузиш) билан энг кам ойлик иш ҳаққининг 10 баробари миқдорида жарима қўлланилди.
Бундан аввал Сирдарёда ўқитувчиларни мажбурий меҳнатга жалб қилган мактаб директори 12 млн сўм жаримага тортилгани, Қашқадарёда ўқитувчиларни мажбурий меҳнатга жалб қилган директор ишдан олингани ҳамда Андижонда уйида ободонлаштириш ходимларини мажбуран ишлатган прокурор ишдан олингани ҳақида хабар берилганди.
Изоҳ (0)