«Auto.ru» сайтида 1150 от кучини тақдим этишга қодир олти цилиндрли мотор ўрнатилган «Волга» сотувга қўйилгани тўғрисида эълон пайдо бўлди. Сотувчининг таъкидлашича, машина соатига 100 километр тезликка 3,7 сонияда эришади (Ferrari 458 Italia ва Porsche 911 даражасида). Янги BMW Х1 нархида баҳоланаётган автомобиль 3 минг километр йўл босган, деб хабар беради Motor.

Фото: «Auto.ru»

2006 йилда ишлаб чиқарилган «ГАЗ-31105»нинг капоти остидан Garrett турбошиширгичига эга 2JZ-GТЕ япон двигатель, қайта ишланган ёқилғи тизими ва метанол пуфлагич ўрин олган. Двигатель 1150 от кучи ва 1200 Нм айланувчи моментни тақдим этишга қодир, бироқ кундалик фойдаланиш мақсадида қувват 850 от кучига қадар туширилган.

Фото: «Auto.ru»

Қайта ишлов берилган жиҳатлари орасидан яна кучайтирилган автомат узатмалар қутиси ва Марк II Х100 деталларига эга орқа «подвеска» ўрин олган. Эълон қилинган суратларга кўра, салонга Momo’нинг спорт тури ва пойгачилар учун мўлжалланган Bride’нинг ковшсимон ўриндиғи жойлаштирилган. Эълон муаллифининг таъкидлашича, конструкцияга киритилган ўзгартиришларнинг барчаси қонунийлаштирилган.

Фото: «Auto.ru»

Сотувчи автомобиль учун 2,35 миллион рубль сўрамоқда. Бу пулга Россияда базавий жамланмага эга янги BMW Х1 ни харид қилиш мумкин.

Фото: «Auto.ru»

Фото: «Auto.ru»

Фото: «Auto.ru»

Аввалроқ Россияда модификацияси билан таниқли блогер шуғулланган энг қиммат Lada Vesta сотувга қўйилгани, украиналик блогер ХХ асрнинг ўрталарига тегишли ва ҳозирга қадар идеал ҳолатда сақланган иккита ноёб «Волга» видеоси билан бўлишгани тўғрисида хабар берилганди.