Tolyattida 1993-yilda ishlab chiqarilgan oddiy “Volga” avtomobili sotuvga qo‘yildi. Ushbu avtomobil noyob yoki kamyob emas, bunday sedanlar katta partiyada chiqqan va erkin savdoda bo‘lgan. Ammo mashina egasi o‘zining “GAZ-31029”ini sakkiz million rublga baholagan — bu pulga eng qimmat Toyota Land Cruiser 300 modelini xarid qilish mumkin, deb xabar beradi Motor.

Foto: “Auto.ru”

Ushbu avtomobilning asosiy o‘ziga xosligi — mashina egasining so‘zlariga ko‘ra, “Volga” hech qachon ro‘yxatda turmagan va umumiy foydalanishdagi yo‘llarda yurmagan. 28 yillik “vaqt kapsulasi”ning odometrida u hozirga qadar 10 kilometr yo‘l bosib o‘tgani ko‘rsatilgan.

Foto: “Auto.ru”

“Volga” model uchun standart bo‘lgan kulrang-ko‘k rangga bo‘yalgan — sovet davrida ushbu rang bu kabi avtomobillarda ekzotik ko‘k, yashil yoki eng kamyob qizildan ko‘ra ko‘proq uchragan. Mashina interyeri qora rangda, o‘rindiqlar kulrang mato bilan qoplangan, qurilmalar paneli esa yog‘och bilan ajratilgan.

Mashina egasining so‘zlariga ko‘ra, “Volga”ga sotuvdan oldin hech qanday ishlov berilmagan, chunki u xuddi yangidek saqlangan. Xaridorga “Volga” bilan birga hisob-ma’lumotnoma va avtomobil 1993-yilda sotib olingani to‘g‘risida kvitansiya qo‘shib beriladi.

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Foto: “Auto.ru”

Avvalroq Germaniyada sovet marshaliga tegishli bo‘lgan “Volga” kabrioleti sotuvga qo‘yilgani, ideal holatdagi “Volga” yangi BMW X2’dan ham qimmatroq narxga sotilayotgani to‘g‘risida xabar berilgandi.