Голливуд юлдузи Сальма Хайек ўзининг 55 йиллик юбилейини Marvel кинооламининг «Абадийлар» фильми бўйича ҳамкасби Анжелина Жоли билан биргаликда нишонлади, деб хабар беради PeopleTalk.
Туғилган кун эгаси томонидан эълон қилинган янги видеода Анжелина мексиканча урф-одат бўйича шарт бажариши кераклигидан хабар топгач, ҳайратга тушгани тасвирланган.
Мексикада Моrdida деб аталувчи урф-одатга кўра, туғилган кун эгаси юзи билан тортга итариб юборилади ва шу ҳолда у ширинлик бўлагини тишлаши керак.
«Укам Сами билан бирга Анжини мексиканча Моrdida’ни амалга оширишга уриняпмиз», — деб ёзади Хайек.
Сальма ва Анжелина кичикроқ жамоа қуршовида бўлган ва Жолидан анъанага биноан актрисанинг бошини итариш сўралган, аммо Анжелинага биринчи уринишдаёқ енгил туртки кифоя қилган. Анжелина бақириб, юзини ёпган ҳолда Сальманинг бошини десерт томон босган.
Изоҳ (0)