Голливуд юлдузи Жейсон Стэйтем «Асаларичи» номли ўткир сюжетли триллерда рол ижро этади, деб хабар беради «Film.ru».
Фильмни Miramax студияси сотиб олган. Ҳозирча фильм сюжети очиқланмаган — фақатгина воқеалар асаларичиликнинг сирли оламида содир бўлиши маълум. Студия баёнотида айтилишича, картина «қолипланмаган воқеликка асосланган универсал мавзуни тадқиқ этиб, бутун дунёдаги мухлисларни стулга маҳкамлаб қўяди».
Айни кунларда картина режиссёри ўзига жамоа йиғмоқда. Оригинал сценарийга «Эквилибриум» фильми орқали танилган Курт Уиммер муаллифлик қилади.
Эслатиб ўтамиз, 2021 йилнинг баҳорида Стэйтем режиссёр Гай Ричининг «Инсон ғазаби» фильмида рол ижро этганди. Картина жаҳон прокатида 104 миллион доллар тўплаган. 2022 йилда яна бир ҳамкорликдаги фильм премьераси режалаштирилган.
Аввалроқ Netflix сервисида 2021 йил охирига қадар тақдим этиладиган фильмлар релизи эълон қилинганди.
Мавзуга доир: «Матрица-4»нинг илк расмий тафсилотлари ошкор бўлди
Изоҳ (0)