Тошкент шаҳри Чилонзор туманида @inkuzart тахаллуси билан ижод қилаётган кўча рассоми Абдураҳмон 4 сентябрь куни UzAuto Motors компаниясининг монополиясига атаб стрит-арт чизган эди. Бироз вақт ўтиб ушбу деворий суратни ўчиришга уринишди, бироқ ўчира олишмаганди. Telegram’да тарқалган суратларга кўра, ушбу стрит-арт иккинчи уринишда тўлиқ ўчириб ташланди.
«Дарё» мухбири ушбу ҳолатдан сўнг Тошкент шаҳар ҳокимлиги ва «Ўзавтосаноат» матбуот хизмати билан боғланиб, изоҳ сўради.
Компаниянинг маълум қилишича бу ишда «Ўзавтосаноат»нинг алоқаси йўқ. «Бунақа топшириқ бўлиши ҳам мумкин эмас», – дейди компания вакили.Ўз навбатида Тошкент шаҳар ҳокимлиги вакили ҳам стрит-артнинг ўчирилишига алоқаси йўқлигини маълум қилди.
Изоҳ (0)