Тошкент шаҳрида олиб борилган тунги рейдларнинг бирида спа-салонга келган йигитнинг ёнида совуқ қурол ва прихотроп воситаси борлиги аниқланди, деб хабар беради UzNews.
Маълум қилинишича, ИИБ ходимлари томонидан Тошкент шаҳар Юнусобод туманидаги спа-салонларнинг бирида тунги рейд олиб борилган. Мижозлардан бирини текшириш вақтида унинг сумкасида пичоқ борлиги ва шимига психотроп воситасини яшириб олгани маълум бўлган.
«Ўзимнинг ҳимоям учун олиб юрибман. Агар менга тиқишса, мен ҳам тиқаман. Ҳозир тиқадиганлар кўпайиб кетган. Динда ҳам эркакка пичоқ олиб юриш ёзилган-ку», — дейди у пичоқ олиб юрганининг сабаби сўралганида.
Таъкидланишича, фуқарога нисбатан ИИБ ходимлари томонидан тегишли тартибда чора кўрилган.
Аввалроқ бухоролик ҳайдовчи кўп миқдордаги гиёҳванд модда билан қўлга олингани тўғрисида хабар берилганди.
Изоҳ (0)