Ислом Каримов номидаги Тошкент халқаро аэропортида 15 йилдан бери қидирувда юрган аёл ушланди. Бу ҳақда Бухоро вилояти ИИБ ахборот хизмати хабар берди.
Қайд этилишича, Жиноят кодексининг 135-моддаси (одам савдоси) 3-қисмида кўрсатилган жиноятни содир қилиб, тергов органларидан яшириниб юрганлиги учун вилоят ИИБ ҳузуридаги Тергов бошқармаси томонидан 2006 йилда қидирув эълон қилинган Бухоро тумани Гала Осиё шаҳри Ойбек кўчаси 12-уйда рўйхатда турувчи, 1977 йилда туғилган Р.С. исмли аёлни ушлаш юзасидан олиб борилган тезкор қидирув тадбирлари ўтказилган.
У Ўзбекистонга келиши билан қўлга олинган.
Бундан аввал Тошкент вилояти ИИББ томонидан 5 ойда 200 га яқин қидирувдаги шахслар ушлангани, Тошкент вилоятида ярим йил аввал қалбаки доллар савдоси сабаб қидирувга берилган шахс туризм полицияси томонидан қўлга олингани ҳамда Тошкентда қидирувдаги шахс ниқоб тақмагани сабаб қўлга тушгани ҳақида хабар берилганди.
Изоҳ (0)