Subaru ва Toyota компаниялари Япониядаги корхоналарининг иш жадвалига ўзгартириш киритади. Subaru мамлакатдаги барча заводларини тўрт кунга ёпади. Toyota эса сентябрь давомида 15 та корохонаси эшикларини ёпишга мажбур бўлади: бу каби чора натижасида марка режадагидан 140 мингта кам автомобиль ишлаб чиқаради, деб хабар беради Motor.
7—10 сентябрь кунлари Subaru Гумма префектурасидаги турли автомобилларни йиғиш билан шуғулланувчи заводи ҳамда двигатель ва трансмиссиялар ишлаб чиқарувчи Оидзуми полёлкасидаги фабрикасини тўхтатади. Компания 2021 йилда бу каби чораларни биринчи бор қўллаши эмас: Subaru машинасозлик заводи апрелда 13 кунга ёпилганди. Мазкур қарор бошқа давлатлардаги заводларга ҳам тааллуқли ёки тааллуқли эмаслиги номаълум.
Ўтган йили Toyota электрон эҳтиёт қисмлар тақчиллигига қарамай ишлаб чиқаришни одатдаги темпда ушлаб туришга муваффақ бўлганди. Бунинг барчасига Фукусима атом электрон станциясида 10 йил олдин содир бўлган авариядан сўнг, компания эҳтиёт қисмларни катта миқдорда тўплашни йўлга қўйгани сабаб эришилган.
Бироқ эндилидак Toyota ҳам эҳтиёт қисмлар етишмаётгани ва ишлаб чиқариш режадагидан 40 фоизга қисқарганини эълон қилди. Тақчилликдан ташқари, қарорга Жануби-шарқий Осиёда коронавирус билан касалланиш ҳолатлари ортаётгани таъсир кўрсатган.
Аввалроқ Японияда Toyota Harrier’ни харид қилмоқчи бўлганлар навбати 1,5 йилга чўзилиб кетгани тўғрисида хабар берилганди.
Изоҳ (0)