Ёшлар ишлари агентлиги директори Алишер Садуллаев Ўзбекистон ОТМларига кириш учун ўтказилган имтиҳонларнинг натижалари тез орада эълон қилинишини маълум қилди.
Ҳуқуқшунос ва блогер Хушнудбек Худойбердиев ҳам ўзининг Telegram канали орқали мандат натижалари тез орада эълон қилинишини билдирган. Унинг ёзишича, талабгорлар кўплиги ва ҳамма кутаётганини ҳисобга олиб, серверга ортиқча юклама бўлмаслиги учун якуний натижалар ҳудудлар кесимида бўлиб-бўлиб эълон қилинади.
«Барчадан илтимос, шунча кутганга яраша, ҳамма ўзи тест топширган ҳудуди бўйича белгиланган вақтда кириб кўрса, қолган пайтлари бошқаларга халақит бермаса яхши иш бўларди», — деб ёзади Худойбердиев.
Давлат тест марказининг маълум қилишича, 2021/2022-ўқув йили учун олий таълим муассасаларининг бакалавриат таълим йўналишларига кириш тест синовлари бўйича танлов натижалари 3 сентябрь куни соат 15:00 да эълон қилинади.
Натижалар қуйидаги жадвалга мувофиқ эълон қилинади:
- 15:00 дан – Қорақалпоғистон Республикаси, Хоразм, Навоий, Бухоро, Сурхондарё ва Қашқадарё вилоятлари;
- 16:00 дан – Фарғона, Андижон ва Наманган вилоятлари;
- 17:00 дан – Самарқанд, Жиззах, Сирдарё, Тошкент вилояти ва Тошкент шаҳри.
Изоҳ (0)