Ўзбекистонда август ойида истеъмол секторидаги инфляция 0,5 фоизни ташкил қилди. Бу ҳақидаги маълумотлар Давлат статистика қўмитасининг истеъмол секторидаги инфляция даражасига оид ҳисоботида келтирилган.
2021 йил бошидан истеъмол секторида нархларнинг ўсиш даражаси 4,8 фоизни, ўртача ойлик ўсиш даражаси эса 0,6 фоизни ташкил этган. Йиллик нисбатда истеъмол нархлари индекси (ИНИ) ўсиш даражаси 11,1 фоизга етган.
Таққослаш учун, 2020 йилнинг январь—августида умумий ИНИ ўсиш даражаси 4,8 фоизни ташкил этган.
Маълумотларга кўра августда:
- озиқ-овқат маҳсулотлари 0,7 фоизга (2020 йилнинг мос даврида эса 0,3 фоизга қимматлаган);
- ноозиқ-овқат маҳсулотлар 0,5 фоизга (2020 йил 0,8 фоиз);
- хизматлар 0,2 фоизга қимматлаган (2020 йил 0,4 фоиз).
Қўмита 2021 йилнинг июль ойида дефляция кузатилганини эълон қилган. Ўтган ойда товарлар ва хизматлар 0,2 фоизга арзонлаган. Нархлар пасайиши мавсумий характерга эгалиги маълум қилинганди.
Изоҳ (0)