O‘zbekistonda avgust oyida iste’mol sektoridagi inflyatsiya 0,5 foizni tashkil qildi. Bu haqidagi ma’lumotlar Davlat statistika qo‘mitasining iste’mol sektoridagi inflyatsiya darajasiga oid hisobotida keltirilgan.
2021-yil boshidan iste’mol sektorida narxlarning o‘sish darajasi 4,8 foizni, o‘rtacha oylik o‘sish darajasi esa 0,6 foizni tashkil etgan. Yillik nisbatda iste’mol narxlari indeksi (INI) o‘sish darajasi 11,1 foizga yetgan.
Taqqoslash uchun, 2020-yilning yanvar—avgustida umumiy INI o‘sish darajasi 4,8 foizni tashkil etgan.
Ma’lumotlarga ko‘ra avgustda:
- oziq-ovqat mahsulotlari 0,7 foizga (2020-yilning mos davrida esa 0,3 foizga qimmatlagan);
- nooziq-ovqat mahsulotlar 0,5 foizga (2020-yil 0,8 foiz);
- xizmatlar 0,2 foizga qimmatlagan (2020-yil 0,4 foiz).
Qo‘mita 2021-yilning iyul oyida deflyatsiya kuzatilganini e’lon qilgan. O‘tgan oyda tovarlar va xizmatlar 0,2 foizga arzonlagan. Narxlar pasayishi mavsumiy xarakterga egaligi ma’lum qilingandi.
Izoh (0)