Айни пайтда Тошкентда бўлиб ўтаётган Ислом тараққиёт банки Бошқарув кенгашининг 46 йиллик анжуманида нутқ сўзлаган Президент Шавкат Мирзиёев Ўзбекистон ташқи сиёсати ҳақида сўз юритди, дея хабар бермоқда «Дарё» мухбири.
Давлат раҳбарининг сўзларига кўра, янги Ўзбекистон ташқи сиёсатининг устувор йўналиши — Марказий Осиё минтақасида дўстона ва яхши қўшничилик муносабатларини мустаҳкамлаш ҳамда бу маконда фаровонлик, тинчлик ва хавфсизликни таъминлашдир.
Иккинчидан, тарихдан маълумки, минтақамиз Шарқ ва Ғарб, Шимол ва Жануб ўлкаларини боғлаган муҳим ҳудуд сифатида танилган. Бу борада Марказий ва Жанубий Осиё мамлакатларининг ўзаро боғлиқлигини кучайтириш, айниқса, янги транспорт коридорларини ривожлантириш орқали ушбу минтақалардаги иқтисодий ўсиш ҳамда аҳолининг ҳаёт даражасини оширишни мақсад қилиб олганмиз.
Учинчидан, Афғонистонда сиёсий барқарорликни ўрнатиш ва иқтисодиётни тиклаш — минтақавий хавфсизлик ва тараққиётнинг ишончли омилидир. Ўзбекистон доимо бу мамлакатдаги вазиятни тинч йўл билан ҳал этиш тарафдори бўлиб келган. Ва ҳозирги мураккаб шароитда ҳам жафокаш афғон халқига қўлимиздан келган барча зарур ёрдамни кўрсатиб келмоқдамиз», — дейди давлат раҳбари.
Аввалроқ Шавкат Мирзиёев иштирокидаги ИТБ саммити аввалида Қуръон тиловат қилингани, давлат раҳбари Муҳаммад Сулаймон ал-Жассирни банк президенти лавозимида иш бошлагани билан табриклагани тўғрисида хабар берилганди.
Изоҳ (0)