Ko‘ksaroy qarorgohida 30-avgust, dushanba kuni bo‘lib o‘tgan bir guruh turli soha vakillarini taqdirlash marosimida Prezident Shavkat Mirziyoyev o‘zbek madaniyat va san’ati, adabiyotining marhum fidoyilari uchun berilgan mukofotlarning ayrimlarini ularning yaqinlariga topshirdi. Bu haqda “Daryo” muxbiri xabar bermoqda.
Foto: Prezident matbuot xizmati
“Marhumlarni taqdirlash tajribamizda bo‘lmagan. Ularni ham mustaqilligimizning 30 yilligi arafasida eslaganimizni xalqimiz to‘g‘ri qabul qildi, deb o‘ylayman. Ma’rifat, o‘zligimizni anglash nuqtayi nazaridan bu to‘g‘ri qaror bo‘ldi va an’anaga aylanadi.
Koronavirus ko‘plab yaqin ijodkor do‘stlarimizni oramizdan olib ketdi. Bir paytlar ularning ko‘piga nisbatan adolatsizliklar bo‘lganidan xabarim bor. O‘zbekistondagi barcha marhumlarni biz hech qachon unutmaymiz. Ular biz uchun buyuk insonlar bo‘lib qoladi. Farzandlari, nabiralari bizga ko‘makdosh bo‘ladi”, — dedi davlat rahbari.
O‘zbek estradasi asoschisi Botir Zokirov uchun “El-yurt hurmati” ordeni ukasi, qo‘shiqchi Farrux Zokirovga topshirildi.
Foto: Prezident matbuot xizmati
Aktyor Mirza Azizov uchun “Fidokorona xizmatlari uchun” ordeni turmush o‘rtog‘i Tojibar Azizovaga topshirildi.
Foto: Prezident matbuot xizmati
Qiziqchi Obid Asomov uchun “Fidokorona xizmatlari uchun” ordeni qizi Nargiza Ergashevaga topshirildi.
Foto: Prezident matbuot xizmati
Yozuvchi O‘lmas Umarbekov uchun “Fidokorona xizmatlari uchun” ordeni turmush o‘rtog‘i Zuhra Umarbekovaga topshirildi.
Foto: Prezident matbuot xizmati
Shoira Halima Xudoyberdiyeva uchun “Fidokorona xizmatlari uchun” ordeni qizi Kamola Umurzoqovaga topshirildi.
Foto: Prezident matbuot xizmati
Qo‘shiqchi Ortiq Otajonov uchun “Mehnat shuhrati” ordeni o‘g‘li Ulug‘bek Otajonovga topshirildi.
Foto: Prezident matbuot xizmati
Qo‘shiqchi Tavakkal Qodirov uchun “Fidokorona xizmatlari uchun” ordeni o‘g‘li Muzrob Qodirovga topshirildi.
Foto: Prezident matbuot xizmati
Qo‘shiqchi Otajon Xudoyshukurov uchun “Fidokorona xizmatlari uchun” ordeni nabirasi Intizor Xudoyshukurovaga topshirildi.
Foto: Prezident matbuot xizmati
