O‘zbekiston Tashqi ishlar vazirligiga mamlakat Mustaqilligi kuni munosabati bilan Afg‘oniston Islom Amirligi matbuot kotibi Zabihulloh Mujohid nomidan tabriknoma keldi. Bu haqda vazirlik rasmiy vakili Yusup Kabuljanov ma’lum qildi.
“Biz qo‘shni do‘st O‘zbekiston hukumati va xalqini mustaqillikning 30 yilligi bilan tabriklaymiz va bizning eng samimiy tilaklarimizni bildiramiz.
Biz Qodir Allohdan O‘zbekiston xalqi va hukumatining yuksak qadr-qimmati va g‘ururini asrashini tilab qolamiz.
O‘zbekiston va Afg‘oniston xalqlarini nafaqat yaxshi qo‘shnichilik munosabatlari, balki umumiy diniy, madaniy va ma’naviy qadriyatlar birlashtiradi va bu mushtaraklik mamlakatlarimiz xalqlarini yanada bir-biriga yaqinlashtiradi.
Biz O‘zbekiston bilan tinchlik va barqarorlikda, do‘stlik hamda yaxshi qo‘shnichilik ruhida doimiy hamkorlikni amalga oshirishga umid bog‘lab qolamiz”, — deyiladi Zabihulloh Mujohid yuborgan maktubda.
Bundan avval “Tolibon” harakati O‘zbekiston xalqi va rahbariyatini Mustaqillik bayrami bilan tabriklagani haqida xabar berilgandi.
Mavzuga doir:
- Dubay amiri Shavkat Mirziyoyevni O‘zbekiston mustaqilligining 30 yilligi bilan tabrikladi
- Google O‘zbekistonni dudl orqali Mustaqillik kuni bilan tabrikladi
- Guterrish, Putin, Bayden, Szinpin. Xorij davlatlari prezidentlari va hukumat rahbarlari Shavkat Mirziyoyevni O‘zbekiston mustaqilligi bilan tabriklamoqda
Izoh (0)