Зарарли ҳисобланган холестерин миқдорининг ошиши қон-томир деворларида тўпланиб юрак билан боғлиқ жиддий муаммолар пайдо бўлишига олиб келади. Холестериннинг икки хили мавжуд бўлади. Ҳужайра ва аъзоларга етиб бориши учун холестерин организмда ёғ ва оқсиллар билан бирикиб — липопротеин ҳосил бўлади. Айнан мана шу липопротеин хавфли ёки фойдали бўлиши мумкин. «Яхши»сида липопротеин юқори зичликда, «ёмони»да эса кам зичликда бўлади. Саломатликда муаммо бўлмаслиги учун «ёмони»нинг миқдори ошиб кетмаслигига эътибор қаратиш керак. Қайси маҳсулотлар таъкидланган зарарли холестеринни камайтириши ҳақида маълумот бериб ўтамиз.
Сули ёрмаси
Дули ёрмасидан тайёрланган бўтқа холестеринни камайтириш учун муҳим ҳисобланган озиқа модда, яъни пребиотикнинг кони. Ўртача бир порция бўтқада 4 грамм клетчатка мужассам бўлади.
Қизил ловия
Қизил ловия бисёр бўлган клетчатка ва тўйинмаган ёғни ўз ичига олади. Қолаверса, ушбу маҳсулот қондаги қанд миқдорини камайтиришга ёрдам беради. Ундан нафақат салат, балки таом ҳам тайёрлаш мумкин.
Нўхат
Бир грамм пребиотик ва 6 грамм клетчатка энг яхши умумлашма ҳисобланади. Ушбу маҳсулотнинг атиги бир порцияси «ёмон» холестерин миқдорини камайтиришга ёрдам беради.
Бақлажон
Бақлажон нафақат калорияси камлиги, балки холестеринни камайтириш хусусиятига эга эканлиги билан ҳам ўзига хосдир. Ушбу маҳсулотдан нафақат таом, балки мазали егулик ва салат тайёрласа ҳам бўлади
Олма
Олма таркибида организм учун фойдали бўлган пектин мужассам. Ушбу мева нафақат холестеринни камайтириши, балки тамадди учун энг яхши маҳсулот сифатида ҳам ўзига хосдир. Калориянинг камлиги, фойданинг кўплиги ва хуш таъми олмани рационга қўшиш учун сабаб бўла олади.
Зайтун ёғи
Зайтун ёғи метаболизмни жадаллаштиришдан ташқари юқори миқдордаги холестериндан қутулишга ёрдам беради.
Изоҳ (0)