Юқтириб олинган коронавирус инфекциясидан тикланиш узоқ давом этиши ёки умуман сезилмаслиги мумкин. Шунингдек, нормал ҳаётга қайтиш учун вақт керак. Албатта, бу борада овқатланиш муҳим рол ўйнайди.
Коронавирусга чалинганлар тузалиши учун одатда бир неча ҳафта ёки ҳатто ой керак бўлади. Одамлар оддий ишларни бажаришга кучлари йўқлигидан, нафас олиш ва одатдаги овқатни ейиш қийинлиги, иштаҳанинг етишмаслиги ва бошқа кўплаб аломатлардан шикоят қилади. Шифокорлар аллақачон бу ҳақиқий тикланишдан кейин ҳам узоқ вақт сақланиб қоладиган аломатларнинг бутун мажмуаси эканлиги ҳақида айтмоқда.
Агар саломатликни диққат билан кузатишда давом этилса, бемор тезроқ соғлиғини тиклаши мумкин: бунинг учун махсус реабилитация, тест ва диетани қайта кўриб чиқиш керак бўлади. Ковиддан кейин нима ейиш кераклигини ва нимани рад қилиш яхшироқ эканлигини билиш ва унга, албатта, амал қилиш тавсия этилади.
Қувватсизлик
Коронавирусдан сўнг тана заифлашиши мумкин, айниқса, касалликнинг оғир шаклида. Бу ҳам ковиддан кейин тана ҳароратининг пастлиги, бошқа белгилар сингари, одатий ҳолдир. Коронавирусдан кейин беморларнинг тез-тез шикояти ҳам кучнинг тўлиқ етишмаслиги ҳақидадир.
Бу энергия захираларини тўлдириш кераклигини англатади. Рационга углеводларни киритиш лозим: бўтқа, тушлик учун нон, кечқурун гуруч ёки макарон истеъмол қилиш мумкин. Картошка каби углеводларга бой сабзавотлар бундай вақтда жуда фойдали. Ширинликлар эса аксинча, тавсия этилмайди.
Оз-оздан таомланиш
Ковиддан кейин беморнинг чайнаши ва ютиши қийин бўлиши мумкин, айниқса, касаллик оғир бўлса. Ва умуман олганда, кўпинча иштаҳа бўлмайди. Аммо овқатланиш керак: картошка пюреси ёки юмшоқ таомларни афзал билиб, кичик бўлакларда, озроқ ҳажмда. Бульонлар, шўрвалар ёки йогурт ҳам фойдалидир.
Ёғлар ҳақида
Рационда соғлом ёғларга алоҳида ўрин ажратиш керак. Улар мия, тери учун фойдали ва энергия манбайидир. Балиқ, авокадоларни тез-тез истеъмол қилиш, танани соғлом ёғлар билан таъминлаш учун зайтун мойига тайёрланган салатлар тановул қилиш мумкин.
Мушакларни тиклаш
Касаллик пайтида мушак массаси тез-тез камаяди ва бу коронавирусдан кейин ҳам содир бўлади. Уни иложи борича тезроқ тиклаш учун оқсил керак: творог, сут маҳсулотлари, пишлоқ, ёғсиз гўшт, тухум ва дуккакли экинларни истеъмол қилиш мумкин. Шунингдек, барча овқатларга оқсил қўшишга ҳаракат қилиш лозим.
C витамини кўпроқ керак бўлади
Коронавирусдан кейин иммунитетнинг пасайиши одатий ҳолдир. У бир мунча вақт тикланиши керак, бу нафақат диетани тўғрилашни, балки витамин қўшимчаларини ҳам талаб қилиши мумкин. Диетада C витамини ва уни ўз ичига олган овқатлар борлигига алоҳида эътибор қаратиш лозим. Бу нафақат цитрус мевалар, балки киви, помидор, қулупнай, манго, исмалоқда ҳам мавжуд. C витамини ўпканинг тикланиши учун фойдалидир, антиоксидант хусусиятларга эга, демак у яллиғланишга қарши курашади, бундан ташқари мушак массасини тиклаш учун ҳам муҳимдир.
Цинк
Беморлар қанча цинк истеъмол қилиши мумкин? Ковиддан кейин у иммунитет тизимини тезроқ мустаҳкамлашга ёрдам беради. Цинк сут, пишлоқ, товуқ, шунингдек, бодом ва қовоқ уруғида учрайди. Цинкли витамин қўшимчалар ҳам бор, лекин уларни ишлатишдан олдин шифокор билан маслаҳатлашиш керак.
Изоҳ (0)