ИИВ ЙҲХББ ижтимоий тармоқларда ЙПХ ходимидан қочиб кетишга уринган фуқаро ушлангани тасвирланган видео юзасидан маълумот берди.
Маълум қилинишича, 29 август куни соат 23:30 ларда Чилонзор тумани Бунёдкор кўчасида ЙПХ ходимлари О.Турғунов ҳамда О.Исмоилов томонидан Spark русумли автомобиль тўхтатилган. Текширув давомида 1991 йилда туғилган А.К. исмли ҳайдовчи шубҳали хатти-ҳаракатлар билан воқеа жойидан пиёда қочиб, ходимларнинг қонуний талабини бажармаган. Кўрилган чоралар натижасида ҳайдовчи ушланган.
Холислар ва гувоҳлар иштирокида автомобиль кўздан кечирилганда салон қисмида целлофан пакетда оқ рангли, кукунсимон, ўткир ҳидли гиёҳвандлик воситасига ўхшаш модда борлиги аниқланиб, тегишли тартибда ҳужжатлар расмийлаштирилган.
Ҳолат тўлиқ ўрганиб чиқишлик учун ҳайдовчи ва топилган воситалар туман ИИО ФМБга топширилган.
Аввалроқ Чироқчида профилактика инспекторининг хизмат кийимини тортиб йиртиб, унга тан жароҳати етказган шахсга жиноят иши қўзғатилгани, Тошкентда гаражининг бузилишига қаршилик кўрсатган аёлга қўпол муносабатда бўлган ИИБ ходимига хизмат текшируви тайинлангани тўғрисида хабар берилганди.
Изоҳ (0)