Жонс Ҳопкинс университети маълумотларига кўра, дунёда коронавирусга чалинганлар сони 217 190 410 кишига етди, шуларнинг 4 511 602 нафари вафот этган. Касалланганлар сони бўйича АҚШ (39 миллион), Ҳиндистон (32,7 миллион), Бразилия (20,7 миллион), Франция (6,8 миллион) ва Россия (6,8 миллион) энг олдинда бормоқда.
Шунингдек, айни пайтгача бутун дунё бўйлаб 5,2 миллиарддан ортиқ дозада вакциналар қўлланилган.
Хитой Касалликларни назорат қилиш ва профилактика маркази (CDC) мутахассисларининг тахминига кўра, коронавирус Уханга музлатилган озиқ-овқат қадоқларида олиб кирилган бўлиши мумкин. Бу ҳақдаги мақола Хитойнинг Global Times нашрида эълон қилинган.
Аввалроқ нашр мухбирлари Уханга бир неча бор ташриф буюрган ва Хитойда коронавирус билан касалланишнинг дастлабки ҳолатлари қайд этилган денгиз маҳсулотлари улгуржи бозоридаги сотувчилар билан гаплашган.
Таниқли вирусологлар ва эпидемиологлар билан ўтказилган таҳлиллар ва интервьюлар натижасида, нашр Ухандаги эпидемия Европа ва АҚШдан импорт қилинган музлатилган озиқ-овқат маҳсулотларига алоқадор дея тахмин қилди.
ЖССТ ва Хитой расмийларининг март ойида эълон қилган қўшма ҳисоботида COVID-19 келиб чиқишининг ушбу версияси «бўлиши мумкин» деб кўрсатилган.
CДC вакили Ма Хуилайнинг сўзларига кўра, касалликларни назорат қилиш маркази ушбу гипотезани қўллаб -қувватлайди. «Хитойда коронавирус 2020 йилнинг апрель ойи бошида авж олганидан сўнг, вирус ёз ойларида Пекин ва Далянда қисман авж олди. Биз эпидемиологик тадқиқотлар ўтказдик ва вирус бошқа мамлакатлар ёки минтақалардан музлаткичли транспорт орқали кириб келганини тасдиқладик», — деди у.
«Октябрь ойида касалликнинг Шандун провинциясидаги Циндао шаҳрида авж олиши ушбу гипотезани яна бир бор тасдиқлади, чунки коронавирус музлатилган озиқ-овқат қадоқларидан топилган», — дея қўшимча қилди эксперт. CDC вакиллари коронавируснинг бу тарзда юқишини кузатиш учун глобал ҳамкорлик механизмини яратиш зарур деб ҳисоблайди.
Жанубий Африка Республикасида аниқланган C.1.2 коронавирус штамми COVID-19 нинг «тарқалиш тезлигини оширган» бўлиши мумкин.ЖАРдаги тадқиқотлар шуни кўрсатадики, янги C.1.2 штаммида кўп сонли мутациялар мавжуд. Янги штаммнинг мутациялари унга «тез тарқалиш қобилиятини» беради, шунингдек антитаналарга қаршиликни кучайтиради. COVID-19 га қарши мавжуд вакциналари C.1.2 га қарши самарали бўладими-йўқми номаълум.
ЖАРда C.1.2 штамми биринчи марта май ойида Мпумаланга ва Гаутенг провинцияларида топилган. 13- августга ҳолатига кўра, янги штамм ЖАРдаги тўққиз вилоятдан олтитасида қайд этилди, шунингдек у Конго Демократик Республикаси, Португалия, Янги Зеландия, Швейцария ва Маврикийга кириб келди.
C.1.2 штамми 2020 йил ўрталарида ЖАРда устувор бўлган C.1 штаммидан пайдо бўлган мутация. Айнан ЖАРда биринчи марта бета штамми кашф қилинганди, у ҳозирда олимларни ташвишга соладиган штаммлар тоифасига киради.
Мавзуга доир: Африка ривожланган давлатлардан коронавирусга қарши вакциналарнинг ортиқчасини беришни сўради
«Исроил, Косова (қисман тан олинган республика), Ливан, Черногория, Шимолий Македония Республикаси ва АҚШ рўйхатдан чиқарилди», — дейилади кенгаш хабарида.
Агар бирор мамлакат Европа Иттифоқининг COVID-19 бўйича «хавфсиз» давлатлар рўйхатида бўлмаса, ушбу давлатдан келувчиларнинг Европа Иттифоқига аъзо давлатларда эркин ҳаракатланиши (туризмнинг барча турлари бўйича) чекланади. Шунингдек, чекловлар иттифоқ мамлакатларидан ушбу давлатга борувчилар учун ҳам тааллуқли бўлади.
Европа Иттифоқи мамлакатлари ўз хоҳишига кўра тўлиқ эмланганларга нисбатан чекловларни олиб ташлаш ҳуқуқига эга.
«Хавфсиз давлатлар» рўйхатининг биринчи версияси 30 июнь куни қабул қилинган. Ҳозир унинг таркибига 17 та давлат киради. «Бу рўйхат доимий равишда кўриб чиқилади ва вазиятга қараб янгиланади», — дейилади кенгаш хабарида.
Мавзуга доир: Европа Иттифоқида вакцинация сертификатлари жорий этилади. Улар ёрдамида чет элликлар иттифоқ ҳудудига киритилиши мумкин
- Японияда коронавируснинг дельта ва алфа мутацияларини бирлаштирган янги турдаги дельта штаммга чалиниш бўйича биринчи ҳолат тасдиқланди. Япониядан ташқарида жами саккиз кишида ушбу дельта ости тури қайд этилган, аммо уни юқтириш даражаси номаълумлигича қолмоқда. Дельта штаммининг янги тури шу ойда мамлакат касалхонасидаги беморда аниқланди. «Бемор дельта штаммида учрайдиган L452R мутациясини, шунингдек алфа штаммида топилган N501Y мутациясига ўхшаш N501S мутациясини ташиб юрган», — дейилади хабарда. Беморнинг чет элга саёҳати тўғрисида ҳеч қандай маълумот йўқлиги, у вирусни аҳоли орасида юқтиргани учун N501S мутацияси Японияда пайдо бўлган бўлиши мумкин, дея тахмин қилинмоқда.
- Албанияда коронавирусга чалиниш ҳолатларининг ортиши муносабати билан карантин чоралари кучайтирилди, аҳолининг айрим тоифалари учун мажбурий вакцинация жорий қилиниши мумкин. Мамлакатда тунги комендантлик соати бир соатга узайтирилиб, 23.00 дан 6.00 гача давом этадиган бўлди. Ёпиқ биноларда ниқоб тақиш мажбурий бўлиб қолмоқда. Аввал ҳам комендантлик соати, ниқоб режими амалда бўлган, бироқ ҳукумат уларнинг бажарилишини қатъий назорат қилмаган. Эндиликда карантин қоидаларини бузганларга жарима солинади— жисмоний шахслар учун 3000—5000 лек (28-48 доллар) ва корхоналар учун 100 000—700 000 лек (954-6682 доллар).
Изоҳ (0)