Америкалик сенатор Роберт Кеннедининг қотили Серхан Серхан муддатидан олдин озодликка чиқиш имкониятига эга бўлди, деб хабар беради Esquire.
Фаластинлик Серхан Серхан Роберт Кеннедини 1968 йилнинг июнида Лос-Анжелесдаги «Ambassador» меҳмонхонасида отиб кетган. Қотилликка Кеннеди Исроилни қўллаб-қувватлагани сабаб бўлган. Жиноят содир этган вақтда Серхан 24 ёшда бўлган. Аввалига Серхан ўлим жазосига ҳукм этилган, аммо кейинроқ жазо умрбод қамоқ жазоси орқали енгиллаштирилган.
Калифорния қамоқдан муддатидан олдин озод этиш комиссияси Серханни озод қилиш бўйича овоз берган. 53 йил қамоқда сақланган қотилнинг ёши ҳозирда 77 да.
Комиссия Серхан жамият учун бошқа хавф туғдирмайди деган хулосага келган. Америка қонунчилигига кўра, озод этиш борасидаги якуний қарорни штат губернатори қабул қилиши керак.
Серхан ўтган давр мобайнида 16 марта афв сўраган. Вазият Роберт Кеннедининг икки фарзанди фаластинликка енгиллик беришни сўраганидан сўнг енгиллашган.
Роберт Кеннеди — 1963 йилда отиб ўлдирилган АҚШ президенти Жон Кеннедининг укаси ҳисобланади.
Эслатиб ўтамиз, америкалик сиёсатчи, собиқ генерал, прокурор Роберт Кеннедининг невараси Сирша Кеннеди Хилл гиёҳванд моддалар дозасини ошириб юборишдан 2019 йилнинг 1 августида вафот этганди.
Изоҳ (0)