Куз фаслида трендда бўлиш учун тирноқларни қандай бўяш тавсия қилиниши ҳақида маълумот бериб ўтамиз.
Геометрик шакллар билан безалган маникюр
Геометрик шакллар — мазкур куз мавсумининг энг асосий маникюр трендларидан бири ҳисобланади. Дизайн турли даражадаги мураккабликда — минимал чизиқлардан тортиб, бир неча шаклларни ўзида мужассам қилган бўлиши мумкин. Ҳаммаси фантазияга боғлиқ. Асосийси, тез зериктириб қўймайдиган ёрқин рангларни умумлаштиринг. Эксперимент қилишдан қўрқманг.
Гуллар шакли билан безанг
Бу тренд гўёки болаликни эсга солади — ранг-баранг, майда деталларга бойлиги билан ўзига хос саналади. Тирноқларни номига ёки бўртиб турадиган гул шакллари билан безашингиз мумкин. Ранглар қанча кўп бўлса, шунча яхши.
Табиатга хос ранглар
Куз табиатига хос бўлган исталган ранг билан тирноқларингизни бўяшингиз мумкин. Яшил, сариқ, оловрангни алоҳида ёки бирлаштириб тирноқларингизга суртинг. Уни шундай қолдиришингиз ёки безашингиз мумкин.
Табиий ранглар
Тирноқларини сариқ рангга бўяшга ва турли шакллар билан безашга тайёр бўлмаган минимализм иштиёқмандлари учун ушбу тренд айни муддао. Бунинг ҳаммаси оддий, оч тери рангидаги бўёқлар билан тирноқларни бўяшнинг ўзи кифоя. Маникюр қилингани билинмайди, аммо шу билан бирга, тирноқлар соғлом ва парвариш қилинган кўринади.
Ёрқин ранглар билан қилинган френч
Тирноқларни френч қилиш, аммо одатдагидан фарқли равишда ёрқин ранглардан фойдаланиш яна урфда. Классик маникюрдан воз кечиб, ноодатий кўрининг. Бир ёки бир неча рангдан фойдаланинг. Ўзига хосликни севадиганлар учун френч билан катак-катак, юрак шакли, ёзувлар ва ҳатто қоплон принтидан фойдаланиш тавсия қилинади.
Изоҳ (0)