Агар сиз интернетда Масако Мизутани, Лиу Ерин, Риса Ҳирако исмларини ёзсангиз, Google сизга аслида 50 ёш бўлган, аммо 20 ёшдек кўринадиган гўзалларнинг фотосуратларини беради ва бу фотошоп эмас. Осиёлик аёллар европалик жинсдошларига қараганда ёшроқ кўринади. Бунинг сирини эса қуйидаги маълумотлардан билиб оласиз.
Юзни босқичма-босқич ювиш
Ҳеч бир япон ёки корейс аёл юзини дарҳол тозаловчи гел билан ювмайди. Терида макияж бўлишидан қатъи назар, улар аввал терига зардоб ёки гидрофил мой суртишади. Шундан кейингина юзларини одатдаги кўпик ёки гел билан ювади. Айтганча, осиёлик аёл ҳеч қачон бир вақтнинг ўзида турли хил косметик маҳсулотларни ишлатмайди: гел, крем, зардоб ва лосьонлар бир хил маркали бўлиши керак. Ўзига нисбатан бундай ҳурмат буддавийлик даврига бориб тақалади: бу тана бизга тегишли эмаслигини, биз уни вақтинча ишлатиш учун олганимиз ва унга бошқа бировнинг мулки каби эҳтиёткорлик билан муносабатда бўлишимиз кераклигини ўргатади.
Юз массажи
Осиёликларнинг ёшлигидан бери амалда бўлган севимли одати бу — юз массажидир. Асосан, улар минерал тошлар билан қилинадиган Гуаш массажини афзал кўришади: бу юздаги шиш учун жуда самарали восита ҳисобланади. Аммо бундай тошлар бўлмаса, улар юзни қўллари билан массаж чизиқлари ва нуқталари бўйлаб массаж қилишади. Осиёликларнинг фикрича, агар маълум энергия нуқталари босилса, юздаги акне, ажин ва хира теридан халос бўлиш мумкин.
«Сасси суви»Пекин ёки Сеулда юрган қизларнинг умумий томони бор: деярли ҳар бирининг қўлида «Сасси суви»ли шиша бўлади. Ҳар кеча улар шишани тоза сув билан тўлдириб, занжабил, лимон, лайм, бодринг ва ялпиз қўшадилар. Бу ичимлик организмни токсинлардан тозалайди ва кундалик сув эҳтиёжини қондиришни осонлаштиради.
Мавзуга доир: Эрта ажин тушишига олиб келадиган 8 одат
Кунига 10 000 қадам
Японияда соғлиқ ва гўзаллик учун кунига камида 10 000 қадам юриш кераклигини аниқлашганидан хабарингиз борми? Осиё аёллари машинадан кўра велосипедни афзал кўришади ва боғлардаги скамейкада дам олиш ўрнига айкидо ва каратэ билан шуғулланишади. Эҳтимол, айнан шу туфайли улар 80 ёшида ҳам дунё бўйлаб фаол саёҳат қилишади, шаҳарларни айланиб, умуман чарчашмайди.
Қуёш нурларисиз
Осиёликлар оппоқ терини зодагонлик ва чирой белгиси деб билишади. «Хавфсиз» қуёш остида бўлиш учун эрталаб соат 6 да уйғонишга тайёр бўлган европаликлардан фарқли ўлароқ, осиёликлар ёпиқ кийим кийиб, SPF-кремдан фойдаланишади. Чунки қуёш терида нафақат бронза рангини, балки ажин, терининг қариши ва қуруқликни ҳам келтириб чиқаради. Ультрабинафша нурлар таъсирида тери икки баравар тез қарийди.
Шундай экан, осиёлик аёлларнинг одатларига амал қилинг: кўпроқ сув ичинг, тез-тез юринг, SPF-кремдан фойдаланинг — шунда ёш ва соғлом бўласиз.
Изоҳ (0)