Гўзаллик қурбонлик эмас, балки кўп пул талаб қилади. Стилистларнинг қуйидаги маслаҳатлари ёрдамида ҳеч бўлмаганда катта харажатлардан қочиш мумкин.
Макияжингизни янгиланг, аммо қайтадан бўянманг
Агар пардозингиз бироз бузилган бўлса, уни ювиб, қайтадан бўянманг — шунчаки уни янгиланг. Бунинг учун юзингизга озгина тоник суртинг ва рўмолча билан артинг. Шунда юзингиз яна янги ва ёрқин кўринади.
Танангиз учун қўлбола скраблардан фойдаланинг
Қиммат скрабларга пул сарфлашнинг ҳожати йўқ: зайтун мойига (бир ҳисса) шакар, денгиз тузи ёки майдаланган қаҳва (икки ҳисса) ва бир неча томчи эфир мойи қўшиб, уй шароитида скраб тайёрланг.
Макияж асосларини бронзатор билан алмаштиринг
Қишки пардоз учун тональ кремни тери рангига уйғунлаштириш учун унга бронзатор қўшинг. Бу ёзги косметика маҳсулотларини сотиб олишдан кўра анча осон ва арзонроқ.
Лаб бўёғингиз кун бўйи янгидек турсин
Лаб бўёғи тезда ўчиб кетмаслиги учун салфеткага озгина пудра суртиб, кейин лабларга — лаб бўёғи устидан суртинг. Айтганча, бу оддий ҳийла нафақат лаб бўёғи ўчишининг олдини олади, балки ундан тишларингизни ҳам ҳимоя қилади.
Узун киприкларга эга бўлиш учун оддий ҳийла ишлатинг
Узун, бекам-у кўст киприкларга эга бўлиш учун оддий ҳийла ишлатиб кўринг: Туш ишлатишдан олдин унинг чўткасини юмшоқ мато билан артиб олинг, шунда туш текис ва тартибли суртилади.
Макияжни кетказишда вазелиндан фойдаланинг
Оддий вазелин киприк, кўз қовоқлари ва юз терисидаги пардозларни кетказиш учун ажойиб восита. Пахта дискига ёки рўмолчага озгина вазелин суртинг ва юзингизни юқоридан пастга қараб артинг.
Мавзуга доир:
- Шаҳло кўзлар гарови: Киприкларни бўяшда фойдаланиладиган тушнинг қандай ўзига хос хусусиятлари бор?
- Осиёлик аёлларнинг абадий ёшлик сири: «Сасси суви» ва юзни ювиш қоидалари
- Гел-лакдан кейин тирноқларни қандай парваришлаш керак?
- Сочлар ўсиши учун нима қилиш керак? Оддий, аммо самара берадиган 16 тавсия
- Қошларни татуаж қилдирмаслик учун энг асосий беш сабаб
Изоҳ (0)