Гел-лак олиб ташлангандан сўнг тирноқларнинг ҳолати аввалгидек соғлом кўринишда бўлмайди. Уларни қандай парвариш қилиш кераклиги ҳақида қуйида танишиб чиқиш мумкин.
Ультрабинафша чироқ билан қуритилган гел-лаклар узоқ вақт давомида тирноқларни безаб туради. Аммо қоплама бўёқ олиб ташланганидан сўнг, кўплаб аёллар тирноқларни даҳшатли кўринишда эканлигини таъкидлайди.
Албатта, бунинг ўзига хос сабаблари бор. Тирноқларга қўлланиладиган гел – гидратланган коллагенга асосланган мураккаб кимёвий бирикма бўлиб, у ультрабинафша нурлар ёрдамида тирноқ пластинкасининг юқори қатламида эрийди. Қоплама олиб ташланганда тирноқ пластинкасининг юқори қатлами билан бирга чиқарилади. Шу сабабли янги маникюр усули ихтиро қилинганда мутахассислар ўртасида техниканинг қанчалик хавфсизлиги муҳокамаларга сабаб бўлган.
Аслида тортишувлар ҳозиргача тўхтамаган, шунинг учун маникюрнинг етакчи мутахассислари томонидан бир овоздан айтилган биринчи маслаҳат – гел-лакларни доимий равишда қўллаш мумкин эмас. Тавсия этилган режим – узоқ муддатли қопламали 2 та маникюр учун 3 ойлик танаффус қилиш керак.
Аммо қарор қабул қилишдан олдин билиш керак бўлган нарсалар бор. Жараён давомида ишлатиладиган ультрабинафша нурлар тери ҳужайраларига салбий таъсир кўрсатади. Агар қўлда холлар бўлса, айниқса, эҳтиёт бўлиш керак. Ва нозик терига эга бўлганлар учун UV чироқ ҳатто куйишга олиб келиши мумкин! Чидамли қоплама остида тирноқ пластинкаси кислород ва намликдан тўлиқ маҳрум бўлади, бу қўшимча омил бўлиб, тирноқнинг қуриши, мўртлашиши ва парчаланишига олиб келади. Қопламани олиб ташлашда, ўткир эритма ишлатилади, у фольга ёки махсус сув ўтказмайдиган материал остида тирноқларга камида 20 дақиқа давомида қўлланилади. Бу ҳам тирноқ саломатлигига путур етказади.
Аммо ушбу келтирилган сабаблар тирноқни шеллак қилдириш учун арзийди, дейдиган хонимлар учун бир қанча фойдали тавсиялар берилади. Улар, албатта, гел-лакдан кейин тирноқ саломатлигини қай тарзда тиклаш мумкинлиги ҳақида.
Озиқланиш
Гел-лакларни олиб ташлагандан сўнг организмни керакли витаминлар билан тўлдириш лозим. Бунинг учун кўпроқ ёғли балиқ, тухум ва пишлоқ истеъмол қилиш керак. Улар таркибидаги кальций тирноқ учун асосий материалдир ва тирноқ пластинкаси қанчалик қалин бўлса, доимий қопламалардан келиб чиқадиган шикастланиш шунчалик кам сезилади.
Микроэлементлар
Таркибида темир ва рух кўп бўлган витамин комплекслари тирноқларга ажойиб ёрдамчи бўлиб, бу элементлар уларни эластик, мустаҳкам, силлиқ қилади ва соғлом пушти оҳангни қайтаради.
Витаминлар
C витамини оқартириш эффекти билан машҳур, шунинг учун кунига бир жуфт цитрус меваси тирноқларнинг ҳолатига ижобий таъсир кўрсатади. Уни истеъмол қилиш эмас, балки ниқоб кўринишида қўллаш керак: лимон, апельсин ёки грейпфрутнинг ички қисми суртилади ва ярим соат давомида қўлқоп кийилади.
Гел-лак чиқарилганда нима қилиш керак?
Тирноқлар қисқартирилади
Пластинка қанчалик қисқа бўлса, шунча кам шикастланади ва синади.
Сайқал берилади
Оддий шакл берадиган пилка қатлам қолдиқларини олиб ташлайди ва пластинканинг шикастланмаган қатламларига очиқ ҳаво киришини таъминлайди.
Қўлқопдан фойдаланилади
Ва кейинги 2-3 ҳафта ичида қўлқопли сув билан боғлиқ барча уй ишлари бажарилади. Тирноқларга кимёвий моддалардан танаффус бериш керак.
Парваришланади
Эрталаб ва кечқурун жужуба, ўрик ёки зайтун мойи билан тирноқ атрофи массаж қилинади.
Мустаҳкамловчи доривор лаклардан фойдаланилади
Протеинли формулалар айниқса яхши.
Желатинли ниқоб қўлланилади
Бир ош қошиқ желатинни бир стакан иссиқ сувда эритиб, эритманинг ҳарорати қулай бўлгач, тирноқлар унга ботириб олинади. 20 дақиқа ушлаб турилгач, салфетка билан артиб олинади.
Ёдли аралашма тайёрланади
Агар ёдли ванна кечқурун қўлланилса, у эрталабгача буғланади ва тирноқларнинг ранги ўзгармайди. Бунинг учун 2 ош қошиқ оддий туз ва ярим ош қошиқ ёдни 200 мл сувда эритилади. Қўллар 15 дақиқа давомида сувга ботирилади, сўнгра оқаётган сув билан ювилади ва крем суртилади. Бу ҳаммом тирноқ ўсишини рағбатлантиради ва тузилишини яхшилайди.
Изоҳ (0)