Эркин курашчи Нодиржон Сафаров ва таэквондочи Мадина Маннопова турмуш қуради. Бу ҳақда жуфтлик ижтимоий тармоқлардаги саҳифаларида маълум қилди.
Маълум қилинишича, жуфтликнинг фотиҳа маросими ўтказилган ва тез орада никоҳ оқшоми бўлиб ўтади.
20 ёшли Мадина Маннопова 2018 йилги Осиё чемпионати ва Жакартадаги Осиё ўйинларида совриндор бўлган. Нодиржон Сафаров ҳам Осиё чемпионати ва бир қатор халқаро мусобақаларда совриндорлар қаторидан жой олган.
Аввалроқ бадиий гимнастикачи Сабина Тошкенбоева ва таэквондочи Ниёз Пўлатов турмуш қуриши ҳақида хабар берилганди.
Унгача эса Токио—2020 Олимпиадаси бронза медали соҳиби Бекзод Абдураҳмонов ва ушбу Олимпия ўйинларида Ўзбекистон байроқдори бўлган таэквондочи Нигора Турсунқулова оила қургани ҳамда уларга Президент табриги ва совғалари етказилгани тўғрисида хабар берилганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)