Дунё ва ўзбек спортига оид 24 август кунининг муҳим хабарлари дайжести билан танишинг.
Ўзбекистон
Токиода бўлиб ўтадиган Паралимпия ўйинларида Ўзбекистон делегациясининг байроқдори ўзгарди, деб хабар берди Туризм ва спорт вазирлиги матбуот хизмати маросим бошланишига 4 соат қолганида.
Хабарга кўра, Паралимпия делегацияси таркибидаги дзюдочиларда бир нафардан спортчи ва мураббийда коронавирус аниқланган ва шу сабабли самолётда уларга яқин масофада бўлган байроқдор параенгил атлетикачи Нурхон Қурбонова эҳтиёт чораси сифатида карантинга олинган.
Жаҳон
Лионель Месси 29 август куни «ПСЖ» сафида дебют қилади, деб ёзмоқда L’Equipe. Шу куни Париж клуби сафарда «Реймс»га қарши баҳс юритади
«Барселона» ҳимоячиси Самюэль Умтити «Барселона»дан кетмоқчи эмас. Marca нашрига кўра, Каталония клуби унинг хизматларидан воз кечиб, футболчига бошқа жамоалардан бир қатор таклифларни таклиф этган. Франциялик ҳимоячи эса барча таклифларни рад этган, шунингдек, у жамоа билан шартномани бекор қилишга ҳам рози эмас.
Футболчи ўтган мавсумда жароҳати сабаб мунтазам ўйин амалиётига эга бўлмади: бор-йўғи 13 та ўйин.
«Барселона» ҳимоячиси Клеман Лангле «Рома»га ўтиши мумкин. Бу ҳақда Corriere dello Sport хабар бермоқда. Ушбу трансферни римликлар бош мураббийи Жозе Моуриньонинг шахсан ўзи хоҳламоқда.
Хабарда айтилишича, португалиялик мутахассис Лангле билан боғланган. Қайд этиш ўринли, Моуриньо ҳимоячини ўтган йили «Тоттенҳэм»да ҳам кўришни хоҳлаганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)