24 ёшли миллиардер Кайли Женнер ва унинг турмуш ўртоғи Тревис Скотт иккинчи марта фарзандли бўлади.
Модель ва косметик бренд асосчиси Кайли Женнер илк марта 2018 йилда она бўлган. Дунёга келган қизига жуфтлик Сторми деб исм қўйган. Кайли 3 яшар қизи Стормининг укаси бўлиши учун тез орада ўғил дунёга келтиришни исташини бир неча марта таъкидлаган. У келажакда жами 7 нафар фарзандли бўлишни режалаштиради.
https://www.instagram.com/p/CIcQ1Bbn5qB/
The Nеw York Post нашрининг маълум қилишича, юлдуз оила аъзоларининг сони кўпайишидан жуда ҳам хурсанд. Модель, шунингдек, ўзининг бизнес империясини кенгайтириши ҳамда Kylie Swim номли чўмилиш либосларини ишлаб чиқаришни йўлга қўйишини эълон қилганига кўп бўлмаган.
https://www.instagram.com/p/CPn3BMBHH9F/
Аввалроқ Instagram’даги рекламасидан энг кўп пул топадиган машҳурлар ҳақида маълумот берилган. Унда Кардашьян-Женнерларнинг энг кичик синглиси бўлган Кайлининг гўзаллик ва косметика ҳақидаги пости 990 минг долларга баҳоланиши таъкидланган.
Изоҳ (0)