Америкалик таниқли қўшиқчи Билли Айлиш «онасиники каби» соч турмаги билан мухлисларини ҳайрон қолдирди

Америкалик таниқли қўшиқчи Биллий Айлиш ўзининг янги кўриниши билан мухлисларини ҳайрон қолдирди — у онасининг ёшлигидаги соч турмаги билан кўриниш берган, деб ёзади «Korrespondent.net».

19 ёшли қўшиқчи Instagram’даги саҳифаси орқали бир нечта кадрларни намойиш этган. Аввалига у ўзини автомобиль салонида суратга олиб, янги соч турмаги билан мақтанган. Шундан сўнг Айлиш онаси Мэгги Бэрднинг архив суратларини эълон қилган.

Кадрлардан кўриш мумкинки, Биллининг онаси ёшлигида ҳам худди шундай соч турмагида бўлган. «Худди онам каби», — деб ёзади қўшиқчи.

Обунчилар Айлишнинг ташқи кўринишидаги ўзгаришга турлича муносабат билдирган: «Унинг ожиз сочлари ёниб кетгандек кўринади. Ўйлайманки, унда қирқиб ташлашдан бошқа танлов бўлмаган. Унга шикастланган сочлардан қутулиш учун янада калта соч турмаги керак», «Бу яшил тутамли сочлардан кўра анча яхши», «Биллининг онаси жуда чиройли экан. Жин урсин, менга унинг соч турмаги жуда ёқди», «Энди у Скарлетт Йоханссон ва Кортни Лавнинг чатишмасига ўхшаб қолди».

Эслатиб ўтамиз, март ойида хонанда Билли Айлишнинг янги имижи акс этган сурати Instagram’да рекорд даражада лайк тўплаганди.