Афсонавий Motorola Razr «раскладушка»си Android 11’га эга бўлди

Motorola компанияси эгилувчан экранга эга биринчи Razr смартфонини 2019 йилнинг охирида тақдим этганди. 1500 доллар қийматида сотувга чиққан гаджет алоҳида ўзига хос техник тавсифларга эга бўлмаган, бироқ ноодатий дизайни сабаб шу каби нархда эълон қилинган эди.

2020 йилда компания «ақлли» ва самарадор янги Razr 5G’ни тақдим этди. Унинг иккита алоҳида экран қисми ўртасида Samsung’нинг Z Fold ва Flip сериясидаги гаджетлари каби тирқиш бўлмаган.

Hi-Tech.Mail.ru’нинг ёзишича, Razr 5G модели апрелда ишлаб чиқарувчи оргинал версияни бутунлай унутиб қўйгандек туюлган бир вақтда янгиланган Android 11 операцион тизимига эга бўлган. Яқин кунларгача шундай эди — қурилма Android 10’да ишлаётганди.

Энди эса Motorola Razr 2019 эгалари ҳам янгиланган Android 11’дан фойдаланиш имкониятига эга бўлди.

Таъкидланишича, Android 11’нинг аксарият янгиланишлари ҳозирда Verizon мижозлари учун жуда секин амалга оширилмоқда ва у ҳозирда июлдаги хавфсизлик янгиланишлари ўз ичига олган — бир ойга кечиккан ҳолда, бироқ тестдан ўтказиш жараёни ҳисобга олинса, бу ҳайратланарли эмас.

Аввалроқ Xiaomi компанияси Samsung Z Flip’нинг арзонроқ муқобилини ўйлаб топгани тўғрисида хабар берилганди.