LetsGoDigital ресурси Samsung компаниясининг эни бўйлаб чўзиладиган биринчи смартфони концептини патент ҳужжатлари асосида тақдим этди, деб хабар беради Hi-Tech.Mail.ru.
Қурилма Oppo Х 2021 қурилмасига ўхшаб кетади. Смартфон экранининг ўлчами 50 фоизга қадар каттара олади — деярли планшет ҳосил бўлади.
Таъкидланишича, экраннинг катталашиши ва йиғилиши автоматик равишда амалга ошади, у битта тугмани босиш орқали фаоллашади. Ушбу функция алоҳида тугма сифатида бошқарилиши, шунингдек, қурилманинг юқори қисмидаги ўчириб-ёқиш тугмасига жойлаштирилиши мумкин. Бармоқ изи сканери дисплей остидан ўрин олади.
Манбанинг ёзишича, чўзилган ҳолатдаги экран иккиламчи ҳошия ҳисобига ушлаб турилади. Қурилмада стилус-қалам ёрдамида бирор нима чизиш ёки қайдларни белгилаб бориш мумкин.
«Албатта, буларнинг барчаси дастлабки тасвирлар — бу иқтидорли дизайнерларнинг тасаввури, холос. Бу каби қурилма ҳақиқатан ҳам пайдо бўлиш ёки бўлмаслиги номаълум. Барчаси компаниянинг келажакдаги ҳаракатларига боғлиқ», — дейилади хабарда.
Аввалроқ Хитойнинг TCL компанияси 6,7 дюймга экранини 4,5 дюймга қадар кичрайтириш мумкин бўлган «рулон-смартфон» прототипини намойиш этгани, Xiaomi’нинг букланувчан ва жуда қиммат флагмани — Mi MIX Fold сотувга чиққани тўғрисида хабар берилганди.
Изоҳ (0)