Motorola kompaniyasi Qualcomm’ning yangi protsessori — 5G aloqa tarmog‘ini qo‘llab-quvvatlovchi Snapdragon 870 o‘rnatilgan Edge S smartfonini taqdim etdi, deb xabar beradi Lifehacker. Shuningdek, yangi qurilma tezkor UFS 3.1 flesh-xotiraga ham ega bo‘lgan.
Yangi smartfon piksellar soni 2520 x 1080 bo‘lgan va yangilanish chastotasi 90 gertsga teng IPS-matritsali 6,7 dyuymli displeyga ega. Shuningdek, HDR10 funksiyasi ham mavjud. Displeyda frontal kamera uchun bir juft teshik mavjud — asosiy 16 megapiksel va qo‘shimcha keng burchakli 8 megapiksel. Barmoq izi skaneri qurilmaning yon tomoniga joylashtirilgan.
Orqa tomonidan to‘rtta kamera moduli mavjud: 6K sifatda tasvirga olishga qodir 30 fps chastotali 64 megapikselga teng asosiy, 16 megapikselli ultrakeng, 2 megapikselli chuqurlikni o‘lchovchi va ToF datchigi.
Qurilma avtonomligiga tezkor quvvatlanish funksiyasiga ega sig‘imi 5000 mA/soatga teng akkumulyator javob beradi. Smartfon chang va namlikdan IP52 standarti bo‘yicha himoyalangan va naushniklar uchun 3,5 millimetrli razyomga ega. Qurilma qutidan chiqarib olinishi bilan Android 11 operatsion tizimida ishlay boshladi.
Motorola Edge S savdolari 3-fevraldan boshlanadi. Xitoyda hozirda quyidagi narxlar bo‘yicha oldindan buyurtmalarni amalga oshirish mumkin:
- 6 GB + 128 GB — 1 999 yuan (310 dollar);
- 8 GB + 128 GB — 2 399 yuan (370 dollar);
- 8 GB + 256 GB — 2 799 yuan (430 dollar).