Samsung эгилувчан экранга эга янги смартфони — «раскладушка» ва «китобча»ни тақдим этди

Samsung букланувчан экранга эга иккита янги смартфон — Galaxy Z Fold3 5G ва Galaxy Z Flip3 5G’ни тақдим этди, деб хабар беради Esquire.

Z Flip3 — бу «раскладушка» турига кирувчи телефон. Янги модель қўлдан фойдаланмаган ҳолда селфи қилиш ҳамда ўчириб-ёқиш тугмасини икки марта босиш орқали мураккаб вазиятларда фото ҳамда видеоларни тасвирга олиш имконини беради. Компаниядагиларнинг таъкидлашича, смартфон YouTube’да роликлар ёки ТВ-шоуларни кўришга жуда қулай.

Z Fold3 очилган ҳолатда китобчани ёдга солади. Қурилма 7,6 дюймли Infinity Flex экран ва S Pen стилусига эга бўлган. Samsung вакилларининг таъкидлашича, смартфон дисплейи камроқ энергия истеъмол қилган ҳолда 29 фоизга ёрқинлашган.

Иккала смартфон ҳам беш йил давомида стандарт фойдаланиш орқали 200 минг марта букланишга бардошли. Z Fold3 модели сиғими 4400 мА/соат, Z Flip3 эса 3300 мА/соат аккумулятор билан жиҳозланган.

Шунингдек, ишлаб чиқарувчи «ақлли» соатларнинг иккита моделини тақдим этади — Galaxy Watch4 ва Galaxy Watch4 Classic. Уларнинг нархи 272 доллардан бошланади. Қолган янгиликлар қаторидан фаол шовқин сўндириш функциясига эга тўлиқ симсиз Galaxy Buds2 гарнитураси ўрин олган — 150 доллар.

Samsung ҳозирда янги қурилмалар учун олдиндан буюртмалар қабул қилишни бошлаган, улар 10 сентябрь куни сотувга чиқади. Galaxy Z Fold3 5G нархи (256 ГБ) 2180 доллардан, Galaxy Z Flip3 эса (128 ГБ) 1225 доллардан бошланади.

Аввалроқ Samsung’нинг букланувчан «гармошка-планшет»и янги тасвирларда намойиш этилганди.