Ўзбекистонда 15 август куни 877 кишида коронавирус инфекцияси қайд этилиб, мамлакатда пандемия бошидан бери коронавирусга чалингани расман тасдиқланганлар сони 143 918 нафарга етди. Бу ҳақда Соғлиқни сақлаш вазирлиги матбуот хизмати хабар берди.
Янги касалланиш ҳолатларининг:
- 81 нафари Қорақалпоғистон Республикасида,
- 34 нафари Андижон вилоятида,
- 20 нафари Бухоро вилоятида,
- 65 нафари Жиззах вилоятида,
- 20 нафари Қашқадарё вилоятида,
- 21 нафари Навоий вилоятида,
- 42 нафари Наманган вилоятида,
- 90 нафари Самарқанд вилоятида,
- 22 нафари Сирдарё вилоятида,
- 87 нафари Сурхондарё вилоятида,
- 76 нафари Фарғона вилоятида,
- 32 нафари Хоразм вилоятида,
- 93 нафари Тошкент вилоятида,
- 194 нафари Тошкент шаҳрида
15 август куни жами 703 нафар: Жиззах вилоятида 20 нафар, Қашқадарё вилоятида 54 нафар, Навоий вилоятида 25 нафар, Самарқанд вилоятида 151 нафар, Сирдарё вилоятида 81 нафар, Фарғона вилоятида 80 нафар, Хоразм вилоятида 36 нафар, Тошкент вилоятида 127 нафар, Тошкент шаҳрида 134 нафар бемор тузалиб, касалликдан соғайганлар жами 136 572 нафарга етди.
Шунингдек, 5 нафар коронавирусга чалинган бемор вафот этиб, касалликдан вафот этганлар сони 981 нафарни ташкил қилди.
Бундан ташқари, 15 август куни 479 кишида пневмония аниқланиб, жами беморлар сони 18395 нафарга етди. Шу куни уларнинг 475 нафари соғайиб, умумий соғайганлар сони 10 977 нафарни ташкил қилмоқда. Сўнгги суткада 3 нафар бемор вафот этиб, шу кунгача пневмониядан вафот этганлар сони 123 нафарга етди.
Таъкидлаш керакки, бундан аввал кунлик касалланишлар сони кетма-кет 5 кундан буён 900 кишидан ортиқ бўлаётганди. 10 август куни 903 кишида, 11 август куни 925 кишида, 12 август куни эса 948 кишида, 13 август куни 966 кишида, 15 август куни 917 кишида COVID-19 тасдиқланган. Кунлик касалланишлар сони бўйича энг юқори кўрсаткич эса 5 август куни қайд этилганди. Шу куни 974 кишида коронавирус тасдиқланган.
Изоҳ (0)