Бугун,

  • USD 11095.31
  • RUB 173.84
  • EUR 10772.44

Ижтимоий тармоқда «Вилоятлик бўлганим учун тўхтатдингизми?!» сарлавҳали видео тарқалди. Мазкур ҳолат юзасидан Тошкент шаҳар ИИББ маълумот берди.

Қайд этилишича, 2021 йил 6 август куни тахминан соат 15:00 да Учтепа тумани Лутфий кўчасида «Хавфсиз пойтахт» махсус тадбири давомида Тошкент шаҳар ИИББ ходимлари томонидан 36 ёшли Н.К. бошқарувидаги Nexia-2 (давлат рақами 50 V 526 RA) автомобили тўхтатилган.

Ҳайдовчининг розилиги билан холислар гувоҳлигида транспорт воситасининг юкхонаси текширилган. Текширув якунлангач ҳайдовчидан ноқулайликлар учун узр сўралган.

«Шунга қарамасдан Н.К.нинг ўзи текширувдан норозилигини билдириб, шошиб турганини билдирган. Ушбу ҳолатда пойтахтнинг барча меҳмонлари ва аҳолиси учун эслатма: бу каби тадбирлар авваламбор сизни асрайди.

Ўз вақтида топилган қуроллар ва гиёҳвандлик воситалари ёмон оқибатли воқеалардан ҳимоя қилади. ППХ ва ЙПХ ходимлари айнан сизнинг автомобилингиз хавфсиз эканини олдиндан билмайди, шунинг учун сизни текширишлари мумкин. Буларни тўғри тушунишингиз лозим.

Шунингдек, видеода ҳайдовчи унинг автомобилининг давлат рақамлари вилоятга тегишли бўлгани сабабли тўхтатилгани ҳақида фикр билдирган. Бу фикр ўринсиз ва хатодир: Тошкент шаҳар ИИББ манбаларида пойтахт автомобиллари ҳайдовчилари текширилганликлари ҳақида юзлаб хабарлар мавжуд.

Биз ижтимоий тармоқ фойдаланувчиларидан турар жой бўйича камситиш ҳолатлари тўғрисидаги хабарларни қўллаб-қувватламасликларини сўраб қолмиз: бундай фикрлар муаллифларнинг комплексларидан ёки ушбу мавзуни кўтариб машҳур бўлиш ниятидан келиб чиқади. Барчамиз – бир юрт аҳолисимиз», – дейилади шаҳар ИИББ хабарида.

Бундан аввал Йўл-патруль хизматининг махсус автомобили «встречний» юргани юзасидан ЙҲХББ маълумот бергани, Тошкентда пиёдалар йўлагидан ўтиш вақтида телефонда гаплашган блогерга чора кўрмаган ЙПХ ходимларига интизомий жазо белгилангани ҳамда Жиззахда ниқобни тўлиқ тақишга мажбур бўлмаган ЙПХ ходимига нисбатан хизмат текшируви тайинлангани ҳақида хабар берилганди.

Изоҳ
Асосий янгиликлар
Дунё
Туркиядаги зилзила ортидан яна 6 та давлатда ер қимирлаши юз берди (видео)
Маҳаллий
Шавкат Мирзиёев ва Ражаб Тоййиб Эрдўғон телефон орқали мулоқот қилди
Маҳаллий
Ўзбекистонда доллар курси яна ошди