Ёғ босган газ плитасини 15 дақиқада тозалашнинг синалган усуллари

Газ плитасида қотиб қолган ёғ ва овқат қолдиқларини қандай қилиб осон тозалаш мумкинлигини билиб олинг.

Газ плитаси ошхонанинг бошқа жиҳозларига қараганда тез-тез тозаланади. Газ ва шиша-керамик печларнинг ҳам асосий камчилиги шундаки, ҳар қандай майда ёки тўкилган суюқлик томчи кир ва доғлигича қолиб кетади. Уларни ювиш эса жуда қийин.

Шиша-керамик плитани сочиқ билан қандай тозалаш керак?

Газ плитасини ҳар куни тоза сақлаш учун оддий сиркани сув билан аралаштириб, пуркагичга қуйиб ишлатиш мумкин. Аралашма шиша-керамик плитанинг юзасига суртилади ва 5 дақиқага қолдирилади. Сўнгра салфетка билан артилади.

Агар плита жуда кир бўлса, сиркага истеъмол содаси қўшилади

Плита бўйлаб сирка, сўнгра устидан сода сепилади. Сода сирка билан реакцияга киришганини кўрсатадиган овоз ва пуфакчалар пайдо бўлади, бу эса ўта ёмон кирларни юмшатиш ва пишириш пайтида ҳосил бўлган ёғли қатламларни эритишга ёрдам беради.

Эски, лекин тоза сочиқ совунли сувга ботирилади ва плита сочиқ билан 15 дақиқага ёпиб қўйилади. Сувнинг илиқ бўлиши жуда муҳим! Бироз вақт ўтгач, ёғлар ивиб кетади ва уларни ювиш жуда осон бўлади. Сочиқ олиниб, микрофибер матоси билан яхшилаб артилади.

Шуни эсда тутиш керакки, шиша керамикани парвариш қилишнинг энг яхши усули – бу плита иссиқ бўлганида ишлатилиши мумкин бўлган пичоқли махсус қирғич. Қирғич плита юзасига ўткир бурчак остида жойлаштирилади ва суюқлик ва озиқ-овқат қолдиқларини қирғичда эҳтиёткорлик билан олиб ташланади. Плита совиганида, уни идишларни ювиш воситаси билан тозалаш мумкин, ўта кир жойларни эса шиша керамика учун махсус паста ёки крем билан тозалаш мумкин. Чизиқ пайдо бўлишининг олдини олиш учун маҳсулотни тез-тез мато билан артиб, қуритиш керак.

Газ плитасининг панжарасини аммиак билан қандай тозалаш керак?

Бу усул энг самарали деб ҳисобланади, лекин тўлиқ натижага эришиш учун икки-уч соат вақт кетади. Ҳар бир сантиметрни тозалаш учун тоза шимгични аммиак билан намлаш ва панжаранинг бутун юзасига суртиб чиқиш керак. Шундан сўнг панжарани полиэтилен пакет ичига солиб, маҳкам боғлаб, уч соатга қолдириш керак. Вақт ўтгач панжара сув билан ювилиши керак ва ажралган ёғ ва углерод қолдиқлари шимгич билан олиб ташланиши керак.

Шуни ёдда тутингки, қуйма темир панжараларни идиш ювиш машинасида ювиш на самарали, на фойдали. Келажакда газ плитасини тозалашни осонлаштириш учун:

• Тўкилган суюқлик плитага ёпишиб қолмасидан, иложи борича тезроқ артиб олиш керак.
• Кастрюлкалар ва идишларни плитага қўйишдан олдин уларнинг тагини қуритиш лозим.