Кўпинча куннинг охирида сочларимиз кир бўлганини ҳис қиламиз ва нима сабабдан бундай бўлганига тушуна олмаймиз. Бундай вазиятдан қандай қутулиш мумкинлиги ҳақида Biolage эксперти Карина Котова маълумот беради.
Нима учун ювгандан кейинги куниёқ сочлар кирланади?
Гап ёғли терига мойил бўлган текис ингичка сочлар ҳақида кетяпти. Бундай турдаги сочларнинг тозалигини узоқ вақт ушлаб туриш жуда қийин, чунки тери секрецияси табиий равишда ажралиб чиқади ва соч узунлиги бўйлаб жуда тез тарқалади. Бундай ҳолда ёғли бош териси ёки терининг мувозанатини нормаллаштириш учун махсус маҳсулотларни тавсия қилиш мумкин. Агар соч ёғли бўлмаса, лекин айни пайтда шундай муаммо кузатилса, сочларни яхшилаб ювинг, чунки баъзан сочлар ҳам етарли даражада тозаланмайди ва кирни қолиб кетиши мумкин. Бундай вазиятда икки марта шампунлаш тавсия қилинади.
Мавзуга доир: Сочларингиз тўкиляптими? Муаммони ҳал қилишнинг 10 усули
Нотўғри парвариш туфайли сочлар тезда ифлосланиши мумкинми?
Ҳа, мумкин. Мисол учун, сочлар яхши даражада, лекин уни қайта тиклаш керак деб тегишлича парвариш қилина бошланди. Одатда тикловчи шампунлар бош терисини юмшоқлик билан тозалайди, лекин баъзилар учун бу етарли эмас. Агар бош териси ёғли бўлишга мойил бўлса, лекин соч узунлиги шикастланган бўлса, унда индивидуал аралашмани танлаш лозим. Масалан, ҳажм берувчи ёки намлантирувчи шампунь, озиқланиш ва тикланиш учун кондиционер каби.
Соч ниқоблари соч кирланишига сабаб бўлиши мумкинми?Баъзилар кондиционер ва ниқобни соч илдизларига суртишади, аммо улар бош терисига қўллаш учун мўлжалланмаган (улар сочга суртилади). Сочларингизни аввал шампунь билан ювинг, сўнг бошингизни пастга эгиб, сувни сиқиб олинг ва кондиционер ёки ниқобни соч узунлиги бўйлаб суртинг.
Мавзуга доир: Сочларни қуёш нуридан қандай ҳимоя қилиш керак?
Сочларни ювишга вақт бўлмаса, кир сочни қандай тартибга келтириш мумкин?
Бу борада энг яхши ечим — тезкор соч турмаги. Сочларни тепадан қилиб йиғинг ва ундан булочка ясанг ёки уни ўриб олинг. Агар турмакнинг ҳар бир босқичида сочларга лак сепсангиз, нафақат тартибли кўринишга, балки кун бўйи бузилмайдиган соч турмагига эга бўласиз.
Изоҳ (0)