Сирдарё вилоятида 7 та туман-шаҳар ҳокимига, битта ташкилот ва битта бошқарма бошлиқларига нисбатан ҳайфсан интизомий жазо чорасини қўлланилди, деб хабар беради «Халқ сўзи online».
Маълум қилинишича, Сирдарё вилояти ҳокими Ғофуржон Мирзаевнинг 12 августда имзолаган қарорига кўра, Гулистон шаҳар ҳокими Тўлқин Дадабоев, Янгиер шаҳар ҳокими Элёр Хўжаев, Сардоба тумани ҳокими Абдуазим Хидиров, Мирзаобод тумани ҳокими Жонибек Яриев, Сирдарё тумани ҳокими Ботир Мирзақулов, Сайҳунобод тумани ҳокими Фарруҳ Ўктамжонов, Оқолтин тумани ҳокими Дилмурод Фозиловга ҳайфсан берилган.
Шунингдек, Сирдарё вилояти ҳокимлигининг қурилиш бўйича «Ягона буюртмачи хизмати» ИК раҳбари Ш. Абдуллаев, Сирдарё вилояти халқ таълим бошқармаси бошлиғи О.Донабоевга ҳам ҳайфсан интизомий жазо чораси қўлланилган.
Таъкидланишича, мазкур интизомий чоралар Ўзбекистон Президентининг Виртуал ва халқ қабулхоналари орқали, идоралар, давлат иштирокидаги ташкилотлар ва маҳаллий ижро этувчи ҳокимияти органларида жисмоний ва юридик шахсларнинг мурожаатларини кўриб чиқишни бажаришда сусткашликка йўл қўйгани учун берилган.
Аввалроқ Гулистон туманида «тўртлик» алмашгани, Товар-хом ашё биржаси Сирдарё вилояти филиали директори Гулистон ҳокими этиб тайинлангани тўғрисида хабар берилганди.
Изоҳ (0)