Америкалик поп-қўшиқчи Бритни Спирснинг отаси Жейми қизининг васийлигидан воз кечишга розилигини маълум қилди. Бу ҳақда Жейми Спирснинг адвокати судга тақдим этишни режалаштираётган ҳужжатларга таяниб, «Korrespondent.net» хабар берди.
Унда айтилишича, Бритнининг отаси мунтазам «асоссиз ҳужумларга» учрамоқда, унинг фикрича, қизи билан омма олдидаги жанглари унинг васий ролидаги «манфаатларига мос келмайди».
Шу билан бирга, Бритнинг отаси васийликдан воз кечаётганига реал асослар йўқ деб ҳисобламоқда. Шунингдек, у қизининг ихтиёрига зид равишда бирор ишни қилишга, жумладан, саҳнада чиқиш қилишига мажбурлаганини рад этган.
Ҳужжатларда айтилишича, Спирснинг отаси Бритни устидан вазийлик қилиш ҳуқуқини бошқа инсонга бериш учун суд билан ҳамкорлик қилишга тайёр.
Эслатиб ўтамиз, 2008 йилда хонанда билан боғлиқ руҳий муаммолар сабаб нафақат маблағлари, балки шахсий ҳаёти ва ишини ҳам назорат қилган отаси Жеймс унга васий этиб тайинланган. 2021 йилнинг июлида эса суд Бритни Спирснинг ўз отасини васийликдан озод этиш борасидаги сўровини рад этганди.
Изоҳ (0)