Доғистонлик эркин курашчи Абдулрашид Садулаев Россия давлат думаси депутати Магомед Гажиев Токиода бўлиб ўтган олимпиададаги ғолиблиги учун унга бир миллион АҚШ доллари миқдорида мукофот берганлигини маълум қилди. Бу ҳақда спортчининг ўзи «РИА Новости»га интервью берган.
Чародин туманидаги ватандошим Магомед Гажиевга мени Олимпиадада ғолиб бўлганим учун бир миллион доллар маблағ билан мукофотлагани учун миннатдорлик билдирмоқчиман. Мураббийим Шамил Омаров ҳам унинг эътиборидан четда қолгани йўқ. Мураббийим ва мен бундан буёғига ҳам фақат ғалабалар учун ишлаб, янги марраларни забт этмоқчимиз.
Садулаевнинг Instagram’даги саҳифасида 10 август куни ҳам шунга ўхшаш пост жойлаштирилган ва матннинг юқори қисмига спортчининг Гажиев билан бирга тушган сурати илова қилинган. Бироқ ижтимоий тармоқдаги постда спортчи ва мураббийга қанча маблағ мукофот сифатида берилганига аниқлик киритилмаган.
https://www.instagram.com/p/CSbuG8iIcHK/
Абдулрашид Садулаев — эркин кураш бўйича икки карра Олимпиада ўйинлари ғолиби. У Токио-2020 да 97 килограмм вазн тоифасидаги финал баҳсида рақибини мағлуб этиб, олтин медалга эришган. 2016 йилда Рио-де-Жанейрода ўтган Олимпиада ўйинларида спортчи 86 килограмм вазн тоифасида чемпион бўлганди.
Магомед Гажиев 2003 йилдан буён Давлат думаси депутати. Думага сайлангунига қадар у солиқ органлари ва балиқ ресурсларини ҳимоя қилиш ташкилотларида фаолият олиб борган. Депутат 2020 йилда тўлдирган декларацияга кўра бир йилда жами 9,115 миллион рубль (тахминан 124 минг АҚШ доллари) миқдорида даромад кўрган.
Эслатиб ўтамиз, Ўзбекистонда Токио Олимпиадаси олтин медал эгаларига Tahoe ва 4 сотихли ҳовли, бронза қўлга киритганларга эса Trailblazer ва 2 хонали уй берилган.
Изоҳ (0)