Мобил қурилмани харид қилиб олгандан сўнг унинг IMEI кодлари билан боғлиқ муаммолар юзага келиши ҳолатларини олдини олиш, харидорга ўз вақтида тегишли маълумот бериш учун UzIMEI тизимининг расмий веб-сайти, SMS ёки USSD сўровлар ёрдамида харид қилинаётган мобил қурилманинг IMEI кодини текшириш билан унинг қандай йўл билан рўйхатдан ўтганлигини аниқлаш имконияти яратилди. Сотиб олинган мобил қурилма IMEI кодини текширганингизда икки турдаги жавобни олишингиз мумкин бўлади.
Сиз мобил қурилма сотиб олишингиздан олдин унинг IMEI кодини UzIMEI.uz расмий веб-сайти, SMS ёки USSD сўровлар ёрдамида текширганингизда қуйидаги расмда кўрсатилган жавоб берилса, ушбу мобил қурилмани сотиб олиш тавсия этилади. Ушбу мобил қурилма Ўзбекистон ҳудудига сотиш учун расмий олиб кирилган ҳисобланади.
Сиз мобил қурилма сотиб олишингиздан олдин унинг IMEI кодини UzIMEI.uz расмий веб-сайти, SMS ёки USSD сўровлар ёрдамида текширганизда қуйидаги расмда кўрсатилган жавоб берилса, ушбу мобил қурилмани сотиб олиш тавсия этилмайди. Бу мобил қурилма жисмоний шахснинг паспорт маълумотлари ёрдамида шахсий фойдаланиш учун рўйхатдан ўтказилган ҳамда паспорт эгасининг мурожаатига асосан тизимдан ўчирилиши мумкин.
Тизим оператори сизнинг мобил қурилмангизни рўйхатдан ўтказишни тавсия қиладиган расмий хизмат кўрсатиш пунктлар ҳақида батафсилроқ гаплашмоқчимиз.
Сиз UzIMEI марказий офисида мобил қурилмангизни текшириб рўйхатдан ўтказишингиз мумкин, бундан ташқари уяли алоқа операторлари IMEI кодларини рўйхатга олиш ишлари UzMobile, Ucell, Mobiuz алоқа операторлари томонидан барча расмий нуқталарда, почта бўлимларида ҳамда uzimei.uz сайти орқали рўйхатдан ўтказилмоқда.
Истеъмолчиларга қулайлик яратиш мақсадида, ҳозирда Қорақалпоғистон Республикаси, барча вилоятлар ва Тошкент шаҳрида мобил қурилмаларнинг IMEI кодларини рўйхатдан ўтказиш пунктлари мавжуд. Тизим оператори мамлакатимизнинг барча ҳудудларида хизмат кўрсатиш шохобчаларини очишда давом этмоқда.
Бир ойдан буён мамлакатимиздаги энг йирик савдо мажмуаларидан бири бўлган «Малика» бозорида тизим операторининг пункти фаолият юритиб келмоқда. Савдо мажмуасига келган ҳар қандай харидор мобил қурилмани сотиб олишдан олдин IMEI кодини рўйхатдан ўтганлиги ёки ўтмаганлигини текшириши мумкин. Кимнинг номидан рўйхатдан ўтганлиги (бировнинг паспорт маълумотларига), расмий равишда импорт қилинганлиги тўғрисида маълумотларни олиш мумкин. Бу хизматлардан фуқаролар «Малика» мажмуасидан чиқмаган ҳолда фойдаланиши мумкин.
Эслатиб ўтамиз, истеъмолчи (харидор) рўйхатдан ўтиш жараёни билан шуғулланмаслиги ва рўйхатга олиш учун тўловни амалга оширмаслиги керак. Рўйхатга олиш учун жавобгарлик истеъмолчи (харидор)га эмас, импортёр (сотувчи)га тушади.
Сиз ўзингиз билан хориждан олиб келинган (ёки почта жўнатмаси орқали олинган) шахсий мобил қурилмаларни фақат UzIMEI тизимининг расмий рўйхатдан ўтиш пунктларида рўйхатдан ўтказишингизни тавсия этамиз.
Маълумот учун
2018 йилда мамлакатга расмий равишда 13,5 мингта мобил қурилма импорт қилинган бўлса, 2019 йилда бу кўрсаткич 40 баробарга, 2020 йилда эса 111 баробарга ошган. Жорий йилнинг 6 ойи ичида ушбу кўрсаткич 850 мингдан ошди.
Реклама ҳуқуқи асосида.
Изоҳ (0)