Замонавий, юқори технологияли кампус
Британия менежмент университети кенг маъруза заллари, қулай аудиториялар, катта кутубхона, замонавий ётоқхона, спорт мажмуаси, кўкаламзорлаштирилган майдонлар ва бошқа кўп мажмуаларган эга, замонавий ҳамда юқори технологияли кампус қурилишини бошлади. БМУ кампуси Тошкент шаҳрида жойлашган (мўлжал: Ўзбекистон Республикаси ИИВ академияси). Кампус 3D тақдимотини кўриш учун қуйидаги ҳаволани босинг.
Янги мутахассислик — IT ва бизнес-аналитика
Бу йил БМУ янги «IT ва бизнес-аналитика» мутахассислиги бўйича кадрлар тайёрлашни ҳам йўлга қўйди. БМУнинг барча талабалари ўз хоҳишига кўра ва қўшимча харажатларсиз ушбу мутахассисликни асосий мутахассисликка қўшимча тарзда олиши мумкин бўлади. Бунинг учун улар уч ва тўртинчи курсларда тегишли фанларни танлаши ҳамда ўзлаштириши талаб этилади. Бу мутахассисликни ўрганиш тугагач, 2-диплом тақдим этилади.
Математика ва инглиз тили бўйича онлайн имтиҳонлар
Кириш имтиҳонларини онлайн топшириш учун БМУ веб-сайтида, экраннинг ўнг пастки бурчагидаги Apply now тугмасини босиш орқали рўйхатдан ўтиш лозим.
IELTS сертификатига эга бўлмаган абитуриентлар ҳам математикадан имтиҳон топшириши мумкин ёки мавжуд бўлган ҳолатда сертификат кейинроқ юклаб қўйилади. IELTS топширишга улгурмаган абитуриентларга БМУ English Exam Online топшириш имконияти берилади, шунингдек, Zoom интервьюси (native speaker билан) бўлиб ўтади.
Математика (≥ 50 фоиз) ва инглиз тили (IELTS ≥ 5.5 ёки БМУ инглиз тили имтиҳони ≥ 60 фоиз) фанидан муваффақиятли ўтган абитуриентлар мутахассис билан онлайн интервьюга таклиф қилинади.
Кириш имтиҳонларининг жадвали
БМУ математика имтиҳони — онлайн (ҳар чоршанба соат 10:00 да, август охиригача);
БМУ инглиз тили имтиҳони — онлайн (ҳар жума соат 10:00 да, август охиригача).
Грант ва стипендиялар
100 фоизлик тўлиқ грантлар кам таъминланган оилалардан академик қобилиятга эга бўлган абитуриентларга берилади. Уларни олиш учун сиз ижтимоий-иқтисодий вазият ҳолатини тасдиқловчи ҳужжатларни тақдим этишингиз керак (маҳалладан маълумотнома). Иншо ёзинг ва грант комиссиясининг суҳбатидан ўтинг. 50 фоизлик грантлар 7.0 ёки ундан баланд IELTS серификатига эга, математика имтиҳонидан юқори натижа кўрсатган ва грант комиссияси суҳбатидан ўтган абитуриентларга тақдим этилади.
Ҳозирги кунда университет 4 йиллик ўқув даври давомида талабаларга 4 миллиард сўм миқдорида грант ва стипендиялар ажратмоқда.
Ўқишнинг биринчи йил баҳорги семестридан бошлаб, юқори натижаларга эришган талабалар ойига 1 миллион сўмгача академик стипендияларни олади.
Британия менежмент университети ҳақида қисқача маълумот
Британия менежмент университети Ўзбекистон Республикаси Вазирлар Маҳкамасининг 2020 йил 8 майдаги 272-сонли қарори асосида ташкил этилган. Университет ўз фаолиятини Ўзбекистон Республикаси Вазирлар Маҳкамаси ҳузуридаги Таълим сифатини назорат қилиш инспекцияси томонидан берилган 2020 йил 16 октябрдаги 0008-сонли лицензия асосида олиб борилади. Таклиф этилаётган мутахассисликлар қуйидаги йўналишлардан иборат:
- банк иши ва молия;
- халқаро бухгалтерия ҳисоби;
- лойиҳа бошқаруви;
- халқаро логистика;
- рақамли маркетинг;
- тадбиркорлик ва инновация.
Ҳозирда 350 нафар талаба Британия менежмент университетида Foundation дастурини тамомлаган. Ушбу дастур дунёнинг энг яхши 200 та университети рўйхатига кирган Reading университети билан ҳамкорликда ишлаб чиқилган. Университетда Massachusetts технология институти, Гарвард, Cambridge ва дунёнинг бошқа таниқли университетлари битирувчилари дарс беради.
Агар сиз академик чақирувларга тайёр бўлсангиз ва Марказий Осиёдаги энг кучли университетлардан бирига ўқишга киришга ўзингизни лойиқ деб ҳисобласангиз, унда Британия менежмент университети сиз учун!
Телефон: +99895 511 99 99
Сайт: bmu-edu.uz
Электрон почта: info@bmu-edu.uz
Instagram: bmuedu
Telegram: t.me/bmuedu
Telegram бот: t.me/BMUedubot
LinkedIn: Британия менежмент университети
Facebook: fb.com/bmuedu
Реклама ҳуқуқи асосида.
Изоҳ (0)