Namanganda ikkita “Jiguli” ishtirokida sodir bo‘lgan YTH oqibatida haydovchilardan biri halok bo‘ldi

Namangan—Yangiqo‘rg‘on avtomobil yo‘lining 2-kilometrida sodir bo‘lgan yo‘l-transport hodisasi oqibatida haydovchilardan biri halok bo‘ldi. Bu haqda Namangan viloyati IIB axborot xizmati xabar berdi.

Ma’lum qilinishicha, 5-avgust kuni 16:00 larda 1963-yilda tug‘ilgan fuqaro boshqaruvidagi “VAZ-2106” avtomobili o‘zining harakat yo‘nalishini keskin o‘zgartirib, qarama-qarshi harakatlanayotgan “VAZ-21011” mashinasi bilan to‘qnashuv sodir etgan. To‘qnashuv oqibatida “VAZ-2106” haydovchisi voqea joyida vafot etgan, ikkinchi haydovchi esa shifoxonaga yetkazilgan.

Avvalroq Surxondaryoda haydovchi uxlab qolishi oqibatida YTHga uchragan Nexia’da yo‘lovchi halok bo‘lgani, Andijonda avtomashina salonida qisilib qolgan haydovchi shifoxonada vafot etgani to‘g‘risida xabar berilgandi. Mavzuga doir:

• Namanganda Lacetti kelib urilgan Damas haydovchisi halok bo‘ldi
• Namanganda Nexia yo‘l chetidagi pastlikka qulashi oqibatida yo‘lovchi ayol vafot etdi