Хитойда сув тошқинларидан кейин минглаб машиналарни қуритиш учун улкан автотураргоҳ барпо этилди (видео)

Хитойда Чженчжоу шаҳрида кузатилган кенг кўламли сув тошқинлари оқибатида жабрланган автомобиллар учун махсус автотураргоҳлар пайдо бўлди. Twitter’даги Sixth Tone аккаунтида эълон қилинган суратларда турли маркадаги минглаб машиналарни кўриш мумкин — уларнинг аксариятига жиддий шикаст етган ва қалин лой қатлами билан қопланган. Ҳатто премиум маркаларнинг автосалонларига ҳам зиён етган: South China Morning Post нашрининг дрони сув остида қолган ўнлаб Mercedes-Benz машиналарини тасвирга олган, деб хабар беради Motor.

Sixth Tone маълумотларига кўра, фавқулодда ташкил этилган автотураргоҳда турли даражада шикастлар етган 400 минг автомобиль қуритилмоқда. Уларнинг аксарияти қалин лой қатлами билан қопланган, катта қисмининг юкхона ва ойналари очиқ. Суратлардаги эвакуаторларга кўра, автомобиллар келишни давом этмоқда. Қуритилган машиналарнинг аксарияти аукционлар орқали сотилади.

Табиий офат автосалонларга ҳам жиддий зарар етказган. Масалан, South China Morning Post дрони ёрдамида тасвирга олинган видеода Чженчжоудаги Mercedes-Benz марказини кўриш мумкин. Дилер машиналарни бино томига олиб чиқишга мажбур бўлган. Эгалари томонидан автомобиллар қолдириб кетилгани сабаб йўлларда ҳам тирбандликлар юзага келган.

Хенан провинциясида кучли ёғингарчилик 16 июль куни бошланган. Бир неча кун давом этган ёғингарчилик провинция пойтахтида сув тошқинларини юзага келтирган.