Tesla’нинг Хитойдаги бўлинмаси Америка маркаси линейкасидаги энг арзон биринчи моделни йиғди, деб хабар беради Motor. Гап ихчам электрохетчбек ҳақида кетмоқда: тахминларга кўра, у Модель 2 номига эга бўлади ва бошланғич нархи 25 минг долларни ташкил этади.
Маълумотларга кўра, Tesla эҳтиёт қисмларни етказиб берадиган аксарият компаниялар билан битим имзолаган ва Tesla Gigafactory Shanghai корхонасини ишлаб чиқаришни бошлашга тайёрламоқда. Хитой учун ҳамёнбоп Tesla’нинг серияли йиғиш ишлари шу йилдан бошланиши мумкин.
Модель 3’дан пир поғона пастда жойлашадиган янги Tesla модели ҳақидаги илк маълумотлар 2018 йилда пайдо бўлган: арзон модель ҳақида марка раҳбари Илон Маск маълумот берган. 2020 йилнинг бошларида интернетда бўлажак автомобилнинг скетчи пайдо бўлган, 2021 йилнинг февралида эса модель бутун дунё бўйлаб сотувга чиқиши маълум бўлганди.
Маскнинг сўзларига кўра, машина нархи Tesla томонидан яратиладиган инновацион аккумуляторлар ҳисобига арзонроқ бўлади. Янги материал турларидан фойдаланиш ҳисобига киловатт-соат нархи ишлаб чиқаришда деярли икки баробарга арзонлашади, бўсиб ўтиладиган масофа узоқлиги эса амалдаги батареяларникидан 16 фоизга ошади.
Аввалроқ энг тезкор Tesla соатига салкам 100 км тезликка 1,99 сонияда эришгани тўғрисида хабар берилганди.
Изоҳ (0)