Xiaomi Group техногигантининг ҳайдовчисиз бошқариладигана автомобили 2025 йилда бориб тақдим этилиши мумкин. Ҳозирда автомобиль тўртинчи даражали автоном тизимга эга бўлиши маълум, Xiaomi бунинг учун автоном бошқарув бўлинмасини очган. Компания аввалига 500 нафар муҳандисни ёллайди: вакансиялар очилгани ҳақида Xiaomi бош директори Лэй Цзюннинг ўзи Weibo орқали маълум қилган, деб хабар беради Motor.
Xiaomi ҳозирга қадар ўзи мустақил яратган бирорта автомобилни тақдим этмаган бўлиб, тўртинчи даражали автопилотга эга электрокарни яратиш ниятида. Бу SAE International даражаси бўйича охиридан битта олдинги даража бўлиб, машина бошқарув вақтидан инсон аралашувини талаб этмайди ва мустақил белгиланган маршрут бўйича ҳаракатлана олади.
2021 йилнинг баҳорида корпорация ҳамёнбоп электрокарлар ишлаб чиқариш йўлида Great Wall билан ҳамкорлик қилишини маълум қилганди. Хусусан, Xiaomi автомобиль ишлаб чиқарувчига тегишли Хитойдаги заводларининг бирида ўз машиналарини йиғади. 1,5 миллиард доллар сармоя тикилган ихтиро ўз вақтида якунланса, Xioami электоркарлари 2023 йилдан бошлаб сотувга чиқади.
Мутахассиснинг таъкидлашича, Apple’нинг биринчи автомобили 2024 йилдан олдин тақдим этилмайди — компанияга ишлаб чиқаришни нолдан бошлаб йўлга қўйиш учун вақт керак.
Эслатиб ўтамиз, апрель ойида Xiaomi ўзининг биринчи автомобилини намойиш этганди. Электрон қурилмаларни ишлаб чиқариш билан шуғулланувчи компаниянинг илк машинаси — бу ғилдираклар устидаги уй бўлади.
Изоҳ (0)